തിരുവനന്തപുരം: വർക്കല ചെറുന്നിയൂർ പന്ത് വിളയിൽ പത്താം ക്ലാസ് വിദ്യാർഥിനി അശ്വതി (15) ചെള്ള് പനി ബാധിച്ച് മരിച്ചു. പാരിപ്പള്ളി മെഡിക്കൽ കോളജിൽ ചികിൽസയിലായിരുന്നു. വർക്കല ഞെക്കാട് ഗവൺമെന്റ് ഹയർ സെക്കൻഡറി സ്കൂളിലെ പത്താം ക്ലാസ് വിദ്യാർഥിനിയാണ്. സിഐടിയു മരക്കടമുക്ക് യൂണിയൻ പ്രസിഡൻറ് ഷാജി ദാസിന്റെയും അനിതയുടെയും മകളാണ്.
ചെള്ളുപനി (സ്ക്രബ് ടൈഫസ്) ബാധിച്ച് പെണ്കുട്ടി മരണമടഞ്ഞ സംഭവത്തില് പ്രത്യേക സംഘം അടിയന്തരമായി സ്ഥലം സന്ദര്ശിക്കാന് നിര്ദേശം നല്കിയതായി ആരോഗ്യ മന്ത്രി വീണാ ജോര്ജ് പറഞ്ഞു.