പാലക്കാട്: അന്താരാഷ്ട്ര വിപണിയിൽ 40 ലക്ഷം രൂപയോളം വില വരുന്ന കറുപ്പുമായി പാലക്കാട് സ്വദേശി പിടിയിൽ. പാലക്കാട് , തിരുനെല്ലായി , ഒതുങ്ങോട് സ്വദേശി അഫ്സൽ വ : 42 നെയാണ് പാലക്കാട് ഡാൻസാഫ് സ്ക്വാഡും, ടൗൺ സൗത്ത് പോലീസും ചേർന്ന് ഇന്ന് വൈകുന്നേരം ചന്ദ്രനഗർ മേൽപ്പാലത്തിനു സമീപം വെച്ച് അറസ്റ്റു ചെയ്തത്.
പാലക്കാട്ടെ ഉപഭോക്താക്കൾക്ക് ചില്ലറ വിൽപ്പന നടത്തുവാൻ നിൽക്കുന്ന സമയം രഹസ്യവിവരം കിട്ടിയതിൻ്റെ അടിസ്ഥാനത്തിൽ നടത്തിയ പരിശോധനയിലാണ് പ്രതി വലയിലായത്. പ്രതിയെ നാളെ കോടതിയിൽ ഹാജരാക്കും.
പാലക്കാട് ജില്ലാ പോലീസ് മേധാവി R. വിശ്വനാഥ് IPS ൻ്റെ മേൽനോട്ടത്തിൽ, DCRB DySP M.സുകുമാരൻ , പാലക്കാട് ടൗൺ സൗത്ത് ഇൻസ്പെക്ടർ ഷിജു എബ്രഹാം, കസബ സബ് ഇൻസ്പെക്ടർ അനീഷ് , ഡാൻസാഫ് സ്ക്വാഡ് അംഗങ്ങളായ T.R. സുനിൽ കുമാർ , റഹിം മുത്തു, K. അഹമ്മദ് കബീർ, S. ഷനോസ്, R. രാജീദ്, S. ഷമീർ , S. സമീർ, T. I. ഷെമീർ എന്നിവരടങ്ങിയ സംഘമാണ് പ്രതിയെ വലയിലാക്കിയത്.