കൊട്ടാരക്കര : സംസ്ഥാന സർക്കാരിന്റെ 100 ദിന കർമ്മ പരിപാടിയിൽ ഉൾപ്പെടുത്തി കൊട്ടാരക്കര മിനി സിവിൽ സ്റ്റേഷനിൽ സജ്ജമാക്കിയ കരിയർ ഡവലപ്മെന്റ് സെന്റർ ധനമന്ത്രി കെ എൻ ബാലഗോപാലിന്റെ അധ്യക്ഷതയിൽ വിദ്യാഭ്യാസ വകുപ്പ് മന്ത്രി വി ശിവൻകുട്ടി ഉദ്ഘാടനം ചെയ്തു.
ശരിയായ കരിയർ വിജ്ഞാനം വിദ്യാർഥികൾക്കും യുവജനങ്ങൾക്കും നൽകേണ്ടത് ഈ കാലഘട്ടത്തിന്റെ ആവശ്യമാണ്. ഗ്രാമീണ മേഖലയിലെ അഭ്യസ്ഥ വിദ്യരായ ചെറുപ്പക്കാരെ ലക്ഷ്യപ്രാപ്തിയിലെത്തിക്കുന്നതിനായി 2016 – 17 മുതൽ കേരള സർക്കാർ ആവിഷ്ക്കരിച്ച് നടപ്പാക്കി വരുന്ന നൂതന പദ്ധതിയാണ് കരിയർ ഡവലപ്മെന്റ് സെന്റർ ഏത് പ്രായത്തിലുള്ളവർക്കും ഇവിടെ രജിസ്റ്റർ ചെയ്യാം.
പരിചയ സമ്പന്നനായ എംപ്ലോയ്മെന്റ് ഓഫീസറുടെയും മനശാസ്ത്രത്തിൽ വൈദഗ്ധ്യമുള്ള കരിയർ കൗൺസലറുടെയും ഐ.ടി. ഓഫീസറുടെയും സേവനം ഇവിടെ ലഭിക്കും.
