ഊട്ടി: സംയുക്ത സൈനിക മേധാവി ബിപിന് റാവത്ത് (CDS Bipin Rawat) സഞ്ചരിച്ച ഹെലികോപ്ടര് ഊട്ടിക്ക് അടുത്ത് കൂനൂരില് തകര്ന്നു വീണു.
ബുധനാഴ്ച ഉച്ചയോടെയായിരുന്നു സംഭവം. ജനറല് ബിപിന് റാവത്തിനെ കൂടാതെ അദ്ദേഹത്തിന്്റെ പത്നി മധുലിക റാവത്ത്, സംയുക്ത സൈനിക മേധാവിയുടെ ഓഫീസ് ജീവനക്കാരും സുരക്ഷാഭടന്മാരും അടക്കം ആകെ 14 പേര് ഹെലികോപ്ടറില് ഉണ്ടായിരുന്നുവെന്ന് സൈന്യം സ്ഥിരീകരിച്ചു.
അപകടത്തില് എണ്പത് ശതമാനത്തോളം പൊള്ളലേറ്റ രണ്ട് പേരെ നാട്ടുകാര് ആശുപത്രിയില് എത്തിച്ചിട്ടുണ്ട്. അപകടസ്ഥലത്ത് നിന്നും നാല് മൃതദേങ്ങള് ഇതുവരെ കണ്ടെടുത്തതായി വാര്ത്താ ഏജന്സി അറിയിച്ചു. വ്യോമസേനയുടെ എം.17 ഹെലികോപ്ടറാണ് അപകടത്തില്പ്പെട്ടത്. ബിപിന് റാവത്തിന്്റേയോ അദ്ദേഹത്തിന്്റെ ഭാര്യയുടേയോ നിലവിലെ ആരോഗ്യനില സംബന്ധിച്ച് യാതൊരു വിവരവും ഇതുവരെ സൈന്യം തന്നിട്ടില്ല. ബിപിന് റാവത്തിനെ ആശുപത്രിയിലേക്ക് മാറ്റി എന്ന് ചില ദേശീയമാധ്യമങ്ങള് റിപ്പോര്ട്ട് ചെയ്യുന്നുവെങ്കിലും ഇക്കാര്യത്തില് ദില്ലിയില് നിന്നും ഔദ്യോഗിക പ്രതികരമുണ്ടാവും എന്നാണ് പ്രതീക്ഷിക്കുന്നത്.