തിരുവനന്തപുരം ∙ സമയപരിധി കഴിഞ്ഞിട്ടും രണ്ടാം ഡോസ് കോവിഡ് വാക്സീൻ എടുക്കാതെ സംസ്ഥാനത്തു 14.18 ലക്ഷം പേരുണ്ടെന്ന് ആരോഗ്യ വകുപ്പിന്റെ റിപ്പോർട്ട്. ഇതിൽ 3.02 ലക്ഷം പേർ കോവിഡ് ബാധിച്ചതിനെത്തുടർന്നാണ് രണ്ടാം ഡോസ് എടുക്കാൻ വൈകുന്നത്. 78,867 പേർ ഒന്നാം ഡോസിനു ശേഷം വിദേശത്തേക്കു പോയി. 22,357 പേർ രണ്ടാം ഡോസിനു വിസമ്മതം പ്രകടിപ്പിച്ചു. 6.91 ലക്ഷം പേർക്കു വാക്സീൻ ലഭിച്ചില്ലെന്നും റിപ്പോർട്ടിൽ പറയുന്നു. രണ്ടാം ഡോസ് വിതരണത്തിനു പ്രാമുഖ്യം നൽകണമെന്നു മുഖ്യമന്ത്രി പിണറായി വിജയൻ കഴിഞ്ഞദിവസം നിർദേശം നൽകിയിരുന്നു.
