ആയൂർ: ചടയമംഗലം ജഡായു ജംഗ്ഷന് സമീപം കാറും ബൈക്കും കൂട്ടിയിടിച്ച് ഉണ്ടായ അപകടത്തിൽ ഒരാൾ മരിച്ചു. തട്ടത്തുമല,മുളക്കലത്തുകാവ്,ചരുവിള പുത്തൻ വീട്ടിൽ ചെല്ലപ്പൻ ആചാരിയുടെ മകൻ അനിൽ കുമാർ (45)ആണ് മരിച്ചത്. രാത്രി 7 മണിയോടെ പാലക്കാട് നിന്നും തിരുവനന്തപുരത്തേക്ക് വരികയായിരുന്ന കാർ ചടയമംഗലം ഭാഗത്തേക്ക് വരികയായിരുന്ന ബൈക്കുമായി കൂട്ടി ഇടിയ്ക്കുകയായിരുന്നു. ബൈക്ക് യാത്രികനായ അനിൽകുമാർ സംഭവസ്ഥലത്ത് വെച്ചുതന്നെ മരിച്ചു. കാർ അമിതവേഗതയിൽ ആയിരുന്നെന്ന് നാട്ടുകാർ പറയുന്നു. ഈപ്രദേശത്ത് അപകടം പതിവാകുന്നതിൽ നാട്ടുകാർ ഭീതിയിലാണ്.
അപകടത്തെത്തുടർന്ന് ഗതാഗതം തടസപ്പെട്ടു. ചടയമംഗലം പോലീസ് സ്ഥലത്തെത്തി മേൽ നടപടികൾ സ്വീകരിച്ചു. മൃതദേഹം കടയ്ക്കൽ താലൂക്ക് ആശുപത്രിയിലേയ്ക്ക് മാറ്റി. കടയ്ക്കൽ നിന്നും അഗ്നിശമന സേന സ്ഥലത്തെത്തി അപകടത്തിന്റെ അവശിഷ്ടങ്ങൾ റോഡിൽ നിന്നും നീക്കം ചെയ്തു. തുടർന്നാണ് ഗതാഗതം പുനഃസ്ഥാപിച്ചത്.
