ജില്ലയില്‍ വെള്ളപ്പൊക്കവുമായി ബന്ധപ്പെട്ട് പുതുതായി ആരംഭിച്ച ക്യാമ്പുകളില്‍ ആരോഗ്യ വകുപ്പുമായി ബന്ധപ്പെട്ട എല്ലാ സേവനങ്ങളും ഉറപ്പുവരുത്തിയിട്ടുണ്ടന്ന് ജില്ലാ മെഡിക്കല്‍ ഓഫീസര്‍ ഡോ:കെ. എസ് ഷിനു അറിയിച്ചു. ക്യാമ്പില്‍ എത്തുന്നവര്‍ക്കുള്ള കോവിഡ് പരിശോധന അതാത് ക്യാമ്പുകളില്‍ തന്നെ സജ്ജീകരിച്ചിട്ടുണ്ട്. കോവിഡ് വാക്‌സിന്‍ എടുക്കാതെ ക്യാമ്പുകളില്‍ എത്തുന്നവര്‍ക്ക് വാക്‌സിന്‍ നല്‍കുവാനായി അടുത്തുള്ള ആരോഗ്യകേന്ദ്രത്തില്‍ സൗകര്യമൊരുക്കിയിട്ടുണ്ട്.
