കനത്ത മഴയെതുടര്‍ന്ന് നിറയാറായ സംസ്ഥാനത്തെ അണക്കെട്ടുകള്‍ തുറക്കുമ്പോഴുണ്ടാകുന്ന സാഹചര്യം വിലയിരുത്താന്‍ മുഖ്യമന്ത്രിയുടെ നേതൃത്വത്തില്‍ അടിയന്തര യോഗം ചേരും. ഇന്ന് രാവിലെ 10 മണിക്കാണ് യോഗം ചേരുക.
ഡാമുകള്‍ തുറക്കുന്നതില്‍ ആശങ്കപ്പെടേണ്ടതില്ലെന്നാണ് റവന്യൂമന്ത്രി കെ രാജന്‍ മാധ്യമങ്ങളോട് പറഞ്ഞത്. ഇടുക്കി ഡാം തുറക്കേണ്ട സാഹചര്യം നിലവിലില്ല. തെറ്റായ വാര്‍ത്തകള്‍ പ്രചരിപ്പിച്ചാല്‍ കര്‍ശന നടപടി സ്വീകരിക്കുമെന്നും മന്ത്രി കൂട്ടിച്ചേര്‍ത്തു. മുന്നറിയിപ്പുകള്‍ വൈകിയെന്നത് പ്രതിപക്ഷത്തിന്റെ കഴമ്പില്ലാത്ത ആരോപണം മാത്രമാണെന്നും അറിയിപ്പുകള്‍ നല്‍കുന്നത് കേന്ദ്ര കാലാവസ്ഥാ കേന്ദ്രമെന്നും റവന്യൂമന്ത്രി കെ രാജന്‍ പറഞ്ഞു.