മലപ്പുറം: കോവിഡ് മഹാമാരിയെ തുടര്ന്ന് രണ്ടര വര്ഷത്തോളമായി അടഞ്ഞുകിടന്ന ജില്ലയിലെ സ്കൂളുകള് തുറക്കുന്നതിന് മുന്നോടിയായി ശുചീകരണം ഉള്പ്പെടെയുള്ള പ്രവര്ത്തനങ്ങള് പൊതുവിദ്യാഭ്യാസ വകുപ്പ് അധികൃതരുടെ നേതൃത്വത്തില് തുടങ്ങി.
ക്ലാസ് മുറികള്, ശൗചാലയങ്ങള്, കിണറുകള് എന്നിവ ശുചീകരിക്കുന്നതിനൊപ്പം ഇഴജന്തുക്കളുടെ സാന്നിധ്യം ഇല്ലാതാക്കാന് സ്കൂള് കെട്ടിട ചുമരുകളിലും അടിത്തറകളിലും എവിടെയെങ്കിലും ദ്വാരങ്ങളുണ്ടെങ്കില് അവ അടയ്ക്കാനും ജില്ലാ വിദ്യാഭ്യാസ ഡെപ്യൂട്ടി ഡയറക്ടര് കെ.എസ് കുസുമം ഉപജില്ലാ വിദ്യാഭ്യാസ ഓഫീസര്മാര് മുഖേന സ്കൂള് പ്രധാനധ്യാപകര്ക്ക് നിര്ദേശം നല്കി.