ഓയൂര്‍: ഭാര്യയെ അതിക്രൂരമായി മര്‍ദ്ദിച്ച്‌ കൊലപ്പെടുത്താന്‍ ശ്രമിച്ച ഭര്‍ത്താവിനെ പൂയപ്പള്ളി പൊലീസ് അറസ്റ്റ് ചെയ്തു. ചെറുവക്കല്‍, കൊപ്പാറ, മലയില്‍,വിഷ്ണുവിലാസത്തില്‍ സജികുമാറിനയാണ് (49) ഭാര്യ ഉഷാകുമാരി (42) യെ ക്രൂര പീഡനത്തിനിരയാക്കിയതിന് അറസ്റ്റ് ചെയ്തത്.
കൂലിപ്പണിക്കാരനായ ഇയാള്‍ ദിവസവും മദ്യപിച്ച്‌ വീട്ടിലെത്തി ഭാര്യയെയും രണ്ട് പെണ്‍മക്കളെയും വീട്ടില്‍ നിന്ന് ഇറങ്ങണം എന്നാവശ്യപ്പെട്ടുകൊണ്ടാണ് ഉപദ്രവിക്കുന്നത്. മുന്‍പ് കുട്ടികളെയും ഭാര്യയെയും അടുക്കളയില്‍ പൂട്ടിയിട്ട് വാതിലില്‍ വിറക് കൂട്ടിയിട്ട് ഒഴിച്ച്‌ തീകൊളുത്തി കൊല്ലാന്‍ ശ്രമിച്ചിരുന്നു.
അയല്‍വാസികള്‍ കതക് ചവിട്ടിപ്പൊളിച്ചാണ് അന്ന് ഇവരെ രക്ഷപ്പെടുത്തിയത്. മിക്ക ദിവസും ഇയാള്‍ ഇവരെ വീട്ടില്‍ നിന്നും ഇറക്കി വിട്ട് വീട് പൂട്ടും. അമ്മയും മക്കളും പുറത്തെവിടെയെങ്കിലും ഇരുന്ന് നേരം വെളുപ്പിക്കുകയാണ് പതിവ്. ഇയാളുടെ ശല്യം സഹിക്കാന്‍ കഴിയാതെ ഉഷാകുമാരി കോടതിയെ സമീപിക്കുകയും കോടതി ഉത്തരവ് പ്രകാരമാണ് മക്കളുമായി ഈ വീട്ടില്‍ കഴിഞ്ഞ് വന്നിരുന്നത്.