മസ്തിഷ്‌ക ജ്വരവും ചര്‍ദ്ദിയും ബാധിച്ച്‌ കോഴിക്കോട്ട് ചികിത്സയില്‍ കഴിഞ്ഞിരുന്ന 12 കാരന്‍ മരിച്ചത് നിപ ബാധിച്ചാണെന്ന് തിരിച്ചറിഞ്ഞ സാഹചര്യത്തില്‍ കാര്യങ്ങള്‍ വിലയിരുത്താന്‍ കേന്ദ്ര സംഘം ഇന്ന് ഉച്ചയോടെ കോഴിക്കോടെത്തും.
കോവിഡ് ബാധ കൂടുതലുള്ള സംസ്ഥാനത്ത് നിപാ കൂടി കണ്ടെത്തിയത് കേന്ദ്ര ആരോഗ്യ മന്ത്രാലയം വളരെ ഗൗരവത്തോടെയാണ് കണ്ടിട്ടുള്ളത്. അതിനാലാണ് എന്‍സിഡിസി സംഘത്തെ അയച്ചിട്ടുണ്ട്. നേരത്തെ നിപാ ബാധിച്ചപ്പോള്‍ എംയിസ് സംഘത്തെ കേന്ദ്രം അയച്ചിരുന്നു. ഇക്കുറിയും എല്ലാവിധ സഹായങ്ങളും കേന്ദ്രം വാഗ്ദാനം ചെയ്തിട്ടുണ്ട്.