ന്യൂഡല്‍ഹി: രാജ്യത്തെ 5 സംസ്ഥാനങ്ങളില്‍ കൂടി ഇന്ന് സ്കൂളുകള്‍ തുറക്കും. കോവിഡ് കേസുകള്‍ കുത്തനെ കുറഞ്ഞ അഞ്ച് സംസ്ഥാനങ്ങളിലാണ് ഇന്ന് മുതല്‍ സ്കൂളുകള്‍ തുറക്കുന്നത്. ഡല്‍ഹി,രാജസ്ഥാന്‍, മധ്യപ്രദേശ്, അസം, തമിഴ്നാട്
എന്നിവിടങ്ങളിലാണ് 50% വിദ്യാര്‍ഥികളുമായി ക്ലാസുകള്‍ ആരംഭിക്കുക.
കര്‍ശന നിയന്ത്രണങ്ങളോടെയാണ് സ്കൂള്‍ അധ്യയനം ആരംഭിക്കുന്നത്. അധ്യാപകരും സ്കൂള്‍ ജീവനക്കാരും 2 ഡോസ് വാക്സിന് സ്വീകരിച്ചിട്ടുണ്ടെന്ന് ഉറപ്പാക്കണം. വിദ്യാര്‍ത്ഥികള്‍ക്കും അധ്യാപകര്‍ക്കും മാസ്‌ക് നിര്‍ബന്ധമാണ്. 50% വിദ്യാര്‍ഥികളെ വീതമാണ് പ്രവേശിപ്പിക്കുക.
ഡല്‍ഹിയില്‍ 9 മുതല്‍ 12 വരെയുള്ള ക്ലാസുകളും ഉന്നത വിദ്യാഭ്യാസ സ്ഥാപനങ്ങളുമാണ് ഇന്ന് മുതല്‍ പ്രവര്‍ത്തനം ആരംഭിക്കുന്നത് . 6 മുതല്‍ 8 വരെയുള്ള ക്ലാസുകള്‍ ഈ മാസം 8 നും ആരംഭിക്കും. തമിഴ് നാട്ടില്‍ ഒരു ക്ലാസില്‍ ഒരേ സമയം പരമാവധി 20 വിദ്യാര്‍ത്ഥികളെ മാത്രമേ അനുവദിക്കൂ. കേരളത്തില്‍ നിന്ന് എത്തുന്ന വിദ്യാര്‍ത്ഥികള്‍ വാക്സിന് സര്‍ട്ടിഫിക്കേറ്റോ ആര്‍.ടി.പി.സി.ആര്‍ നെഗറ്റീവ് സര്‍ട്ടിഫിക്കറ്റോ ഹാജരാക്കണം.