കൊട്ടാരക്കര : ഓണത്തിന് ഒരു മുറം പച്ചക്കറി വിളയിക്കാനുള്ള ദൗത്യം സാർത്ഥകമാക്കി മന്ത്രി കെ.എൻ.ബാലഗോപാൽ. മന്ത്രിയുടെ കൊട്ടാരക്കര ക്യാമ്പ് ഓഫീസാണ് പച്ചക്കറി വിളകളാൽ സമൃദ്ധമായത്. വെണ്ട, വഴുതന, പച്ചമുളക്,തക്കാളി, ചീര പയർ, കോവൽ തുടങ്ങി ഒരു വീട്ടടുക്കളയിലേക്ക് വേണ്ടതെല്ലാം ഇവിടെ വിളഞ്ഞു നിൽപ്പുണ്ട്. പൂർണ്ണമായും ജൈവ രീതിയിലാണ് കൃഷി. ധനമന്ത്രിയായി ചുമതലയേറ്റ ശേഷം കഴിഞ്ഞ പരിസ്ഥിതി ദിനത്തിലാണ് ക്യാമ്പ് ഓഫീസിൽ പച്ചക്കറിത്തൈകൾ നട്ടത്. കഴിഞ്ഞ ദിവസം മന്ത്രി തന്നെ വിളവെടുപ്പിന് തുടക്കം കുറിച്ചു.നല്ല വിളവ് ലഭിച്ചതോടെ കൃഷി കൂടുത വിപുലപ്പെടുത്താനാണ് മന്ത്രിയുടെ തീരുമാനം.മന്ത്രി യുടെ കൊട്ടാരക്കര ഓഫീസ് സ്റ്റാഫ് ആയ വിനോദ്, ദിലീപ് എന്നിവർ ആണ് കൃഷിയുടെ മേൽനോട്ടം.
