മുന് എംപി, പി സതീദേവിയെ വനിതാ കമ്മീഷന് സ്ഥാനത്തേയ്ക്ക് സിപിഎം പരിഗണിക്കുന്നു. നിലവില് ജനാധിപത്യ മഹിളാ അസോസിയേഷന് സെക്രട്ടറിയായ പി. സതീദേവി യുടേ പേര് സിപിഎം സംസ്്ഥാന സെക്രട്ടറിയറ്റ് ശുപാര്ശ ചെയ്തതായാണ് വിവരങ്ങള്. ഔദ്യോഗിക പ്രഖ്യാപനം പിന്നീട് ഉണ്ടാകും. സ്ത്രീവിരുദ്ധ പരാമര്ശം നടത്തിയതിന്റെ പേരില് എം.സി. ജോസഫൈന് രാജിവെച്ചതിനെ തുടര്ന്നാണ് വനിതാ കമ്മീഷന് അധ്യക്ഷ സ്ഥാനം ഒഴിഞ്ഞത്.
ഒരു മാസത്തിലേറെയായി ഈ സ്ഥാനത്ത് പുതിയ ആളെ നിയമിച്ചിരുന്നില്ല. സതീദേവിയെ പുതിയ അധ്യക്ഷയാക്കാന് സിപിഎമ്മിന്റെ സംസ്ഥാന സെക്രട്ടറിയേറ്റില് ധാരണയായതായാണ് ഇപ്പോള് പുറത്തുവരുന്ന വിവരം. പാര്ട്ടിയില് അംഗീകാരം കിട്ടിയാല് ഈ പേരായിരിക്കും ഗവര്ണ്ണര്ക്ക് ശുപാര്ശ ചെയ്യുന്നത്. ഗവര്ണ്ണറുടെ അനുമതിയോടെയാവും പുതിയ അദ്ധ്യതക്ഷയെ പ്രഖ്യാപിക്കുക.