പുതിയ നയം അനുസരിച്ച് കമേഴ്സ്യല് വാഹനങ്ങള് 15 വര്ഷത്തിന് ശേഷവും സ്വകാര്യ വാഹനങ്ങള് പരമാവധി 20 വര്ഷത്തിന് ശേഷവും നിരത്തിലിറക്കാനാകില്ല.
രാജ്യത്തെ പഴയ വാഹന ലോകത്ത് പുതിയ നയങ്ങളുമായി കേന്ദ്രം. വാഹനമേഖലയില് വലിയ മാറ്റങ്ങള്ക്കു കാരണമായേക്കാവുന്ന നയത്തിനാണ് കേന്ദ്രസര്ക്കാര് രൂപം കൊടുത്തിരിക്കുന്നത്. ഗുജറാത്തിലെ നിക്ഷേപക സമ്മേളനത്തിലാണ് ഇതു സംബന്ധിച്ച പ്രഖ്യാപനം പ്രധാനമന്ത്രി നരേന്ദ്ര മോദി നടത്തിയത്. പുതിയ നയം അനുസരിച്ച് കമേഴ്സ്യല് വാഹനങ്ങള് 15 വര്ഷത്തിന് ശേഷവും സ്വകാര്യ വാഹനങ്ങള് പരമാവധി 20 വര്ഷത്തിന് ശേഷവും നിരത്തിലിറക്കാനാകില്ല.
രാജ്യത്തിന്റെ വികസനത്തില് ഈ നയം വലിയ മാറ്റങ്ങള്ക്ക് ബാധിക്കുമെന്ന് പ്രധാനമന്ത്രി നരേന്ദ്ര മോദി വ്യക്തമാക്കി. രാജ്യത്തിന്റെ എല്ലാ മേഖലയിലും ഈ തീരുമാനം മാറ്റങ്ങള് കൊണ്ടുവരുമെന്നും പ്രധാനമന്ത്രി മോദി വ്യക്തമാക്കി. ആയിരക്കണക്കിനാളുകള്ക്ക് തൊഴില് ലഭിക്കുമെന്നും പ്രധാനമന്ത്രി. ഈ രംഗത്ത് പുതിയ സ്റ്റാര്ട്ട് അപ്പുകള്ക്ക് യുവാക്കള്തയ്യാറാകണമെന്നും അദ്ദേഹം പറഞ്ഞു. പരിസ്ഥിതി സൗഹൃദമായ മാര്ഗ്ഗങ്ങളിലൂടെ പണത്തിന്റെ വിനിമയം സാദ്ധ്യമാക്കുക എന്നതാണ് സര്ക്കാര് ലക്ഷ്യമെന്നും പ്രധാനമന്ത്രി പറഞ്ഞു.
രാജ്യത്തെ പഴയ വാഹനങ്ങല് പൊളിക്കുന്നതിനുള്ള പുതിയ പൊളിക്കല് നയം പരിസ്ഥിതിക്കുള്ള ആഘാതം തടയാനും സാമ്പത്തിക മേഖലയെ ശക്തിപ്പെടുത്താനും വേണ്ടിയാണെന്ന് കേന്ദ്ര ഉപരിതല റോഡ് ഗതാഗതവകുപ്പ് നിതിന് ഗഡ്ക്കരി. പറഞ്ഞു. ജിഎസ്ടി വരുമാനത്തില് 40000 കോടി രൂപയുടെ നേട്ടമുണ്ടാകുമെന്നും ഇ വാഹനങ്ങളിലേക്ക് കൂടി രാജ്യം മാറുകയാണെന്നും നിതിന് ഖഡ്ക്കരി വ്യക്തമാക്കി.