Asian Metro News

മുഖം മിനുക്കല്‍ നടപടികളുമായി സഹകരണ വകുപ്പ്; ബാങ്കുകളില്‍ ക്രമക്കേടുകള്‍ തടയാന്‍ ഓഡിറ്റ് സംവിധാനത്തില്‍ മാറ്റം വരുത്തും

 Breaking News
  • പത്തനംതിട്ട നഗരസഭയില്‍ കണ്‍ട്രോള്‍ റൂം തുറന്നു പത്തനംതിട്ട:  അതിശക്തമായ മഴക്കെടുതിയെ തുടര്‍ന്നുള്ള അടിയന്തിര സാഹചര്യം മുന്‍നിര്‍ത്തി പത്തനംതിട്ട നഗരസഭയില്‍ കണ്‍ട്രോള്‍ റൂം ഏര്‍പ്പെടുത്തി. നഗരസഭാ നിവാസികള്‍ക്ക് 24 മണിക്കൂറും കണ്‍ട്രോള്‍ റൂമുമായി ബന്ധപ്പെടാവുന്നതാണ്. നഗരസഭാ ചെയര്‍മാന്‍ അഡ്വ.ടി.സക്കീര്‍ ഹുസൈന്റെ അധ്യക്ഷതയില്‍ ചേര്‍ന്ന അടിയന്തിര അവലോകന യോഗത്തിലാണ് തീരുമാനം....
  • 2 ജില്ലകളില്‍ ഓറഞ്ച് അലര്‍ട്ട് കേന്ദ്രകാലാവസ്ഥ വകുപ്പ് സംസ്ഥാനത്തെ രണ്ട് ജില്ലകളില്‍ നാളെ ഓറഞ്ച് അലര്‍ട്ടും ആറ് ജില്ലകളില്‍ മഞ്ഞ അലര്‍ട്ടും പ്രഖ്യാപിച്ചു. മലപ്പുറം, കോഴിക്കോട് ജില്ലകളിലാണ് ഓറഞ്ച് അലര്‍ട്ട്. ഇടുക്കി, എറണാകുളം, തൃശൂര്‍, പാലക്കാട്, വയനാട്, കണ്ണൂര്‍ ജില്ലകളില്‍ മഞ്ഞ അലര്‍ട്ടും പ്രഖ്യാപിച്ചിട്ടുണ്ട്....
  • കൊട്ടാരക്കര നെല്ലിക്കുന്നത്ത് മാതാപിതാക്കൾക്കൊപ്പം ഉണ്ടായിരുന്ന മൂന്ന് വയസ്സുകാരനെ രാത്രിയിൽ കാണാതായി. കൊട്ടാരക്കര : നെല്ലിക്കുന്നത്ത് മാതാപിതാക്കൾക്കൊപ്പം ഉണ്ടായിരുന്ന മൂന്ന് വയസ്സുകാരനെ രാത്രിയിൽ കാണാതായി. കടത്തിണ്ണയിൽ ക്യാമ്പ് ചെയ്തിരുന്ന സംഘത്തിൽ നിന്നുമാണ് കാണാതായത്. രാത്രിയിൽ സമീപത്തെ തോട്ടിൽ ഫയർ ഫോഴ്സ തിരച്ചിൽ നടത്തിയെങ്കിലും കണ്ടെത്താൻ കഴിഞ്ഞില്ല. ശക്തമായ മഴ ഇന്നലെ രാത്രി മുതൽ പെയ്തു...
  • സംസ്ഥാനത്ത് വെള്ളിയാഴ്ച 8867 പേര്‍ക്ക് കോവിഡ് സ്ഥിരീകരിച്ചു. തിരുവനന്തപുരം∙ സംസ്ഥാനത്ത് വെള്ളിയാഴ്ച 8867 പേര്‍ക്ക് കോവിഡ് സ്ഥിരീകരിച്ചു. കഴിഞ്ഞ 24 മണിക്കൂറിനിടെ 79,554 സാംപിളുകളാണ് പരിശോധിച്ചത്. കഴിഞ്ഞ ദിവസങ്ങളിലുണ്ടായ 67 മരണമാണ് കോവിഡ് മൂലമാണെന്ന് ഇന്നു സ്ഥിരീകരിച്ചത്. ഇതോടെ ആകെ മരണം 26,734 ആയി. രോഗം സ്ഥിരീകരിച്ച് ചികിത്സയിലായിരുന്ന 9872...
  • സര്‍ക്കാരിന് വേണ്ടി മന്ത്രി കെ. എന്‍. ബാലഗോപാല്‍ പുഷ്പചക്രം സമര്‍പ്പിച്ചു വൈശാഖിന് ജന്മനാടിന്റെ വിട ജമ്മുകാശ്മീരിലെ പൂഞ്ചില്‍ ഭീകരവാദികളുമായുണ്ടായ ഏറ്റുമുട്ടലില്‍ വീരമൃത്യു വരിച്ച ജവാന്‍ ഓടനാവട്ടം കുടവട്ടൂര്‍ സ്വദേശി എച്ച്. വൈശാഖിന് ജന്മനാടിന്റെ വിട. സംസ്ഥാന സര്‍ക്കാരിന് വേണ്ടി ധനകാര്യ വകുപ്പ് മന്ത്രി കെ. എന്‍. ബാലഗോപാല്‍ പുഷ്പചക്രം അര്‍പ്പിച്ചു. ജില്ലാ ഭരണകൂടത്തിന് വേണ്ടി ജില്ലാ കലക്ടര്‍...

മുഖം മിനുക്കല്‍ നടപടികളുമായി സഹകരണ വകുപ്പ്; ബാങ്കുകളില്‍ ക്രമക്കേടുകള്‍ തടയാന്‍ ഓഡിറ്റ് സംവിധാനത്തില്‍ മാറ്റം വരുത്തും

മുഖം മിനുക്കല്‍ നടപടികളുമായി സഹകരണ വകുപ്പ്; ബാങ്കുകളില്‍ ക്രമക്കേടുകള്‍ തടയാന്‍ ഓഡിറ്റ് സംവിധാനത്തില്‍ മാറ്റം വരുത്തും
August 13
13:32 2021

സഹകരണ ബാങ്കുകളില്‍ ഓഡിറ്റിംഗ് നടത്താന്‍ ഡെപ്യൂട്ടി അക്കൗണ്ടന്റ് ജനറല്‍ റാങ്കിലുളള ഉദ്യോഗസ്ഥരുടെ സേവനം ലഭ്യമാക്കണമെന്ന് അക്കൗണ്ടന്റ് ജനറലിനോട് ചീഫ് സെക്രട്ടറി ആവശ്യപ്പെട്ടിട്ടുണ്ട്.സഹകരണ ബാങ്കുകളിലെ ക്രമക്കേടുകള്‍ തടയാന്‍ ഓഡിറ്റ് സംവിധാനത്തില്‍ മാറ്റം വരുത്താനൊരുങ്ങി സംസ്ഥാന സര്‍ക്കാര്‍. സിപിഎം ഭരണത്തിലുള്ള സഹകരണ സ്ഥാപനങ്ങളിലടക്കം വന്‍ സാമ്പത്തിക ക്രമക്കേടുകള്‍ നടക്കുന്നതായി പരാതി ഉയര്‍ന്ന സാഹചര്യത്തിലാണ് സര്‍ക്കാര്‍ കടുത്ത നടപടികളിലേക്ക് കടക്കുന്നത്.

സംസ്ഥാന സര്‍ക്കാര്‍ തട്ടിപ്പുകാര്‍ക്കെതിരെ ശക്തമായ നടപടിയെടുക്കാത്തതിനാലാണ് സംഭവങ്ങള്‍ ആവര്‍ത്തിക്കുന്നതെന്ന ആക്ഷേപം പൊതുസമൂഹത്തില്‍ ശക്തമാണ്. ഇതേ തുടര്‍ന്നാണ് സഹകരണ വകുപ്പിന്റെ മുഖം മിനുക്കല്‍ നടപടി. ഓഡിറ്റ് സംവിധാനത്തെ സംബന്ധിച്ച് ചര്‍ച്ച ചെയ്യുന്നതിനായി സഹകരണ മന്ത്രി വി എന്‍ വാസവന്‍ ബാങ്ക് പ്രസിഡന്റുമാരുടെ യോഗം വിളിച്ചിരുന്നു.

ഓണ്‍ലൈനായി നടന്ന യോഗത്തിലാണ് ഓഡിറ്റ് സംവിധാനത്തില്‍ മാറ്റം വരുത്താന്‍ തീരുമാനം ആയത്. സഹകരണ ബാങ്കുകളില്‍ ഓഡിറ്റിംഗ് നടത്താന്‍ ഡെപ്യൂട്ടി അക്കൗണ്ടന്റ് ജനറല്‍ റാങ്കിലുളള ഉദ്യോഗസ്ഥരുടെ സേവനം ലഭ്യമാക്കണമെന്ന് അക്കൗണ്ടന്റ് ജനറലിനോട് ചീഫ് സെക്രട്ടറി ആവശ്യപ്പെട്ടിട്ടുണ്ട്. വകുപ്പില്‍ വിജിലന്‍സ് സംവിധാനം ശക്തിപ്പെടുത്തുന്നതിന്റെ ഭാഗമായി എസ് പി റാങ്കിലുള്ള ഉദ്യോഗസ്ഥരെ നിയോഗിക്കുമെന്നും സര്‍ക്കാര്‍ വ്യക്തമാക്കുന്നു. പരാതികളില്‍ കൃത്യമായ നടപടിയും പരിശോധനകളും ഉണ്ടാകുമെന്നും യോഗത്തില്‍ മന്ത്രി വി എന്‍ വാസവന്‍ കൂട്ടിച്ചേര്‍ത്തു.

കരുവന്നൂരിലെ സഹകരണ ബാങ്ക് ഭരണ സമിതിക്കെതിരെ പരാതി ഉയര്‍ന്ന സമയത്ത് ഉദ്യോഗസ്ഥര്‍ വകുപ്പ് തല നടപടികളൊന്നും സ്വീകരിച്ചില്ലെന്ന് ആക്ഷേപം ഉയര്‍ന്നിരുന്നു. തട്ടിപ്പ് നടത്തിയ സിപിഎം നേതാക്കളെ സംരക്ഷിക്കുന്നതിന് ഇടതുപക്ഷ ട്രേഡ് യൂണിയന്‍ പ്രവര്‍ത്തകരായ സഹകരണ വകുപ്പിലെ ഉന്നത ഉദ്യോഗസ്ഥര്‍ തന്നെ വഴിയൊരുക്കിയെന്നും ആരോപണം ഉയര്‍ന്നിരുന്നു. ഉദ്യോഗസ്ഥരെ ബലിയാടാക്കി സംസ്ഥാന സര്‍ക്കാര്‍ മുഖം രക്ഷിച്ചു. ക്രമക്കേടുകള്‍ നടത്തുന്നതിനും തെളിവുകള്‍ നശിപ്പിക്കുന്നതിനും പാര്‍ട്ടി നേതാക്കള്‍ക്ക് ഒത്താശ ചെയ്ത സഹകരണ വകുപ്പിലെ 16 ജീവനക്കാരെ കഴിഞ്ഞ ദിവസം സസ്പെന്റ് ചെയ്തു. സര്‍ക്കാര്‍ നിയോഗിച്ച അന്വേഷണ സമിതിയുടെ റിപ്പോര്‍ട്ടിന്റെ മറപിടിച്ചായിരുന്നു നടപടി.

ജനരോഷം തണുപ്പിക്കാന്‍ സഹകരണ വകുപ്പിലെ ഉദ്യോഗസ്ഥര്‍ക്കെതിരെ സര്‍ക്കാര്‍ നടപടിയെടുക്കുകയായിരുന്നു. തൃശ്ശൂര്‍ ജോയിന്റ് റജിസ്ട്രാര്‍ മോഹന്‍മോന്‍ പി. ജോസഫ് ഉള്‍പ്പെടെയുള്ളവര്‍ക്കെതിരെയാണ് വകുപ്പുതല നടപടി.

അതേസമയം, കരുവന്നൂര്‍ സഹകരണ ബാങ്ക് തട്ടിപ്പിലെ പ്രതികളുടെ ഭൂമി ഇടപാട് കണ്ടെത്താനും ശ്രമങ്ങളാരംഭിച്ചിട്ടുണ്ട്. വിശദാംശങ്ങള്‍ തേടി രജിസ്‌ട്രേഷന്‍ ഐജിക്ക് അന്വേഷണ സംഘം കത്ത് നല്‍കി. പ്രതികളുടേയും ബന്ധുക്കളുടേയും പേരില്‍ സംസ്ഥാനത്ത് രജിസ്റ്റര്‍ ചെയ്തിട്ടുള്ള ഭൂമിയിടപാട് സംബന്ധിച്ചുള്ള വിവരങ്ങളാണ് ആരാഞ്ഞത്.

തട്ടിപ്പിലൂടെ ലഭിച്ച പണം ഉപയോഗിച്ച് പ്രതികള്‍ ഭൂമി വാങ്ങിയിട്ടുണ്ടെന്ന വിവരത്തിന്റെ അടിസ്ഥാനത്തിലാണ് നടപടി. പ്രതികളുടെ പേരിലും ബന്ധുക്കളുടെ പേരിലും ബിനാമികളുടെ പേരിലും വസ്തുക്കള്‍ വാങ്ങി കൂട്ടിയിട്ടുണ്ട്. അത് ഏതെല്ലാമാണെന്ന് കണ്ടെത്തുകയാണ് അന്വേഷണ സംഘത്തിന്റെ ലക്ഷ്യം. പ്രതികളുടെ സ്വത്ത് വിലയിരുത്തുന്നതിനുകൂടിയാണ് ഈ നടപടി. റിസോര്‍ട്ട് ഇടപാടിനുള്‍പ്പടെ തട്ടിപ്പിലൂടെ ലഭിച്ച പണം പ്രതികള്‍ കൈമാറിയിട്ടുണ്ടെന്ന വിവരവും ലഭിച്ചിട്ടുണ്ട്. അതും പരിശോധിച്ചുവരികയാണ്.

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment