കേരളത്തിൽ ടെസ്റ്റ് പോസിറ്റിവിറ്റി നിരക്ക് കൂടിയിരിക്കുകയും , രോഗ വ്യാപനം കുറയാതെയും ഉള്ള സാഹചര്യത്തിലാണ് കോവിഡ് നിയമ ലംഘന കേസുകൾ കൂടുന്നത്. കോടതിയില് കൊവിഡ് നിയമലംഘന കേസുകള് കൂടുന്ന സാഹചര്യത്തില് വിഷയത്തില് ഇടപെട്ട് കേന്ദ്ര സര്ക്കാര്. കേസുകള് പിന്വലിക്കുന്നതില് സംസ്ഥാനങ്ങളോട് കേന്ദ്രം അഭിപ്രായം തേടി. കേന്ദ്ര ആഭ്യന്തര മന്ത്രാലയമാണ് സംസ്ഥാനങ്ങള്ക്ക് കത്തയച്ചത്.
കത്ത് കിട്ടിയതിന് പിന്നാലെ സംസ്ഥാന ആഭ്യന്തര വകുപ്പ് ഇത് സംബന്ധിച്ച് നിയമോപദേശം തേടി.കേസുകള് പിന്വലിക്കുന്നതില് നിയമ തടസമില്ലെന്നാണ് നിയമവകുപ്പ് പറയുന്നത്. അതേസമയം രോഗവ്യാപനം കൂടുന്ന സാഹചര്യത്തില് കേസ് പിന്വലിക്കുന്നത് ഗുണകരമായിരിക്കില്ലെന്നും വകുപ്പ് നിയമോപദേശം നല്കി. രണ്ടാം ഘട്ട ലോക്ക്ഡൗണില് കൊവിഡ് മാനദണ്ഡം ലംഘിച്ചതിന് കേരളത്തില് മാത്രം പതിനേഴ് ലക്ഷത്തിലധികം കേസുകളാണ് രജിസ്റ്റര് ചെയ്തത്.