കൊട്ടാരക്കര : എഴുകോൺ ശ്രീനാരയണ ഗുരു സെൻട്രൻ സ്കൂളിൽ സി ബി എസ് സി പത്താം ക്ലാസ് പരീക്ഷയിൽ 100 ശതമാനം വിജയം. പരീക്ഷ എഴുതിയ 101 വിദ്യാർത്ഥികളിൽ 32പേർക്ക് 90 ശതമാനത്തിൽ കൂടുതൽ മാർക്ക് ലഭിച്ചു. 39 പേർ ഡിസ്റ്റിംഗ്ഷനോടു കൂടി വിജയികളായി. 30 കുട്ടികൾക്ക് ഫസ്റ്റ് ക്ലാസും ലഭിച്ചു.
12 പേർ എല്ലാ വിഷയങൾക്കും A1 ഗ്രേഡ് നേടി. 97.4 ശതമാനം മാർക്കോടെ ലിയാ സജു സ്കൂളിലെ മികച്ച വിജയി ആയി. സി ബി എസ് സി പന്ത്രണ്ടാം തരം പരീക്ഷയിലും എഴുകോൺ ശ്രീനാരായണ ഗുരു സെൻട്രൽ സ്കൂൾ 100 ശതമാനം വിജയം നേടി . ആകെ പരീക്ഷ എഴുതിയ 71 വിദ്യാർത്ഥികളിൽ 19 പേർ 90 ശതമാനത്തിൽ മുകളിൽ മാർക്ക് കരസ്ഥമാക്കി. 3 വിദ്യാർത്ഥികൾ എല്ലാ വിഷയങ്ങൾക്കും A1 ഗ്രേഡ് നേടി. 30 വിദ്യാർത്ഥികൾ ഡിസ്റ്റിഗ്ഷൻ വിജയം നേടി. എയ്ഞ്ചൽ തോമസ് 98 ശതമാനം മാർക്ക് നേടി സ്കൂളിലെ ഒന്നാം സ്ഥാനവും , ആർ. രോഹിത്ത് രണ്ടാം സ്ഥാനവും, ആർ.രാജരാജേശ്വരി മൂന്നാം സ്ഥാനവും കരസ്ഥമാക്കി.