കെപിസിസി പുനഃസംഘടനയില്‍ നടക്കുക കെ സുധാകരന്റെ സര്‍വ്വാധിപത്യമെന്ന് സൂചനകള്‍. ഗ്രൂപ്പ് നേതാക്കളെ അപ്രസക്തരാക്കി, നേതൃശേഷിയും കാര്യപ്രാപ്തിയും ഉള്ളവരെ ഡിസിസി പ്രസിഡന്റ് പദത്തിലേക്കു നിയോഗിക്കാനാണ് സുധാകരന്റെ തീരുമാനം. പ്രായപരിധി മാനദണ്ഡമാക്കാതെ പുതിയ അദ്ധ്യക്ഷന്മാരെ നിശ്ചയിക്കുന്നതിന് സംസ്ഥാന കോണ്‍ഗ്രസില്‍ തിരക്കിട്ട കൂടിയാലോചനകള്‍ ആരംഭിച്ചു കഴിഞ്ഞു. ഈ ആഴ്ചയോടെ 14 ജില്ലകളിലേയും അദ്ധ്യക്ഷന്‍മാരുടെ കാര്യത്തില്‍ ധാരണയുണ്ടാക്കി, ഔദ്യോഗിക പ്രഖ്യാപനം ഹൈക്കമാന്‍ഡിനെക്കൊണ്ട് നടത്തിക്കാനാണ് കെ സുധാകരന്റെ ശ്രമം.
കെപിസിസി അദ്ധ്യക്ഷന്‍ കെ സുധാകരനും പ്രതിപക്ഷനേതാവ് വി ഡി സതീശനും കഴിഞ്ഞ ദിവസം വിവിധ എം പിമാരുമായും എംഎല്‍എമാരുമായും രാഷ്ട്രീയ കാര്യസമിതി അംഗങ്ങളുമായും കൂടിക്കാഴ്ചകള്‍ നടത്തിയിരുന്നു. ചര്‍ച്ചകള്‍ ഏതാണ്ട് പൂര്‍ത്തിയായി കഴിഞ്ഞതായാണ് ലഭിക്കുന്ന വിവരം.നേതൃ പാടവമുള്ള യുവാക്കള്‍ക്കു പ്രത്യേക പരിഗണന നല്‍കണമെന്നാണ് മിക്ക നേതാക്കളും കെപിസിസി അദ്ധ്യക്ഷനോട് അവശ്യപ്പെട്ടിരിക്കുന്നത് എന്നും സൂചനകളുണ്ട്. കെപിസിസി പുനഃസംഘടനയില്‍ നടക്കുക കെ സുധാകരന്റെ സര്‍വ്വാധിപത്യമെന്ന് സൂചനകള്‍. ഗ്രൂപ്പ് നേതാക്കളെ അപ്രസക്തരാക്കി, നേതൃശേഷിയും കാര്യപ്രാപ്തിയും ഉള്ളവരെ ഡിസിസി പ്രസിഡന്റ് പദത്തിലേക്കു നിയോഗിക്കാനാണ് സുധാകരന്റെ തീരുമാനം. പ്രായപരിധി മാനദണ്ഡമാക്കാതെ പുതിയ അദ്ധ്യക്ഷന്മാരെ നിശ്ചയിക്കുന്നതിന് സംസ്ഥാന കോണ്‍ഗ്രസില്‍ തിരക്കിട്ട കൂടിയാലോചനകള്‍ ആരംഭിച്ചു കഴിഞ്ഞു. ഈ ആഴ്ചയോടെ 14 ജില്ലകളിലേയും അദ്ധ്യക്ഷന്‍മാരുടെ കാര്യത്തില്‍ ധാരണയുണ്ടാക്കി, ഔദ്യോഗിക പ്രഖ്യാപനം ഹൈക്കമാന്‍ഡിനെക്കൊണ്ട് നടത്തിക്കാനാണ് കെ സുധാകരന്റെ ശ്രമം.മാസം പകുതിയോടെ ആദ്യഘട്ട പുനഃസംഘടന പൂര്‍ത്തിയാക്കുമെന്നാണ്. മുതിര്‍ന്ന നേതാക്കളുമായി ചര്‍ച്ചകള്‍ നടത്തിയതിന്റെ അടിസ്ഥാനത്തില്‍ രാഷ്ട്രീയ കാര്യസമിതി യോഗം ചേര്‍ന്ന് കെപിസിസി ഭാരവാഹികളുടെ എണ്ണം, മാനദണ്ഡങ്ങള്‍ എന്നിവ സംബന്ധിച്ച് തീരുമാനമെടുത്തു. ആകെ 51 പേരെയാണ് ഭാരവാഹികളാക്കുന്നത്. നിലവിലുള്ള ഭാരവാഹികളില്‍ ഭൂരിഭാഗവും ഒഴിയേണ്ടി വരുമെന്ന സൂചനകളും സുധാകരന്‍ നല്‍കിയിരുന്നു.
എന്നാല്‍, പിന്നീട് പുനഃസംഘടനയുടെ കാര്യത്തില്‍ കാര്യമായ ചര്‍ച്ചകളൊന്നും നടന്നിരുന്നില്ല. പുനഃസംഘടന വൈകുന്നതിലെ അതൃപ്തി പല കോണുകളില്‍ നിന്ന് ഉയര്‍ന്നതോടെയാണ് പാര്‍ട്ടി നേതൃത്വം തിരക്കിട്ട കൂടിയാലോചനകള്‍ ആരംഭിച്ചിരിക്കുന്നത്.