Asian Metro News

കൃഷ്ണന്‍ കുട്ടി ഊര്‍ജ്ജമന്ത്രിയോ വൈദ്യുതിമന്ത്രിയോ വ്യക്തമാക്കണമെന്ന് നിയമസഭയില്‍ ആവശ്യം;

 Breaking News
  • പത്തനംതിട്ട നഗരസഭയില്‍ കണ്‍ട്രോള്‍ റൂം തുറന്നു പത്തനംതിട്ട:  അതിശക്തമായ മഴക്കെടുതിയെ തുടര്‍ന്നുള്ള അടിയന്തിര സാഹചര്യം മുന്‍നിര്‍ത്തി പത്തനംതിട്ട നഗരസഭയില്‍ കണ്‍ട്രോള്‍ റൂം ഏര്‍പ്പെടുത്തി. നഗരസഭാ നിവാസികള്‍ക്ക് 24 മണിക്കൂറും കണ്‍ട്രോള്‍ റൂമുമായി ബന്ധപ്പെടാവുന്നതാണ്. നഗരസഭാ ചെയര്‍മാന്‍ അഡ്വ.ടി.സക്കീര്‍ ഹുസൈന്റെ അധ്യക്ഷതയില്‍ ചേര്‍ന്ന അടിയന്തിര അവലോകന യോഗത്തിലാണ് തീരുമാനം....
  • 2 ജില്ലകളില്‍ ഓറഞ്ച് അലര്‍ട്ട് കേന്ദ്രകാലാവസ്ഥ വകുപ്പ് സംസ്ഥാനത്തെ രണ്ട് ജില്ലകളില്‍ നാളെ ഓറഞ്ച് അലര്‍ട്ടും ആറ് ജില്ലകളില്‍ മഞ്ഞ അലര്‍ട്ടും പ്രഖ്യാപിച്ചു. മലപ്പുറം, കോഴിക്കോട് ജില്ലകളിലാണ് ഓറഞ്ച് അലര്‍ട്ട്. ഇടുക്കി, എറണാകുളം, തൃശൂര്‍, പാലക്കാട്, വയനാട്, കണ്ണൂര്‍ ജില്ലകളില്‍ മഞ്ഞ അലര്‍ട്ടും പ്രഖ്യാപിച്ചിട്ടുണ്ട്....
  • കൊട്ടാരക്കര നെല്ലിക്കുന്നത്ത് മാതാപിതാക്കൾക്കൊപ്പം ഉണ്ടായിരുന്ന മൂന്ന് വയസ്സുകാരനെ രാത്രിയിൽ കാണാതായി. കൊട്ടാരക്കര : നെല്ലിക്കുന്നത്ത് മാതാപിതാക്കൾക്കൊപ്പം ഉണ്ടായിരുന്ന മൂന്ന് വയസ്സുകാരനെ രാത്രിയിൽ കാണാതായി. കടത്തിണ്ണയിൽ ക്യാമ്പ് ചെയ്തിരുന്ന സംഘത്തിൽ നിന്നുമാണ് കാണാതായത്. രാത്രിയിൽ സമീപത്തെ തോട്ടിൽ ഫയർ ഫോഴ്സ തിരച്ചിൽ നടത്തിയെങ്കിലും കണ്ടെത്താൻ കഴിഞ്ഞില്ല. ശക്തമായ മഴ ഇന്നലെ രാത്രി മുതൽ പെയ്തു...
  • സംസ്ഥാനത്ത് വെള്ളിയാഴ്ച 8867 പേര്‍ക്ക് കോവിഡ് സ്ഥിരീകരിച്ചു. തിരുവനന്തപുരം∙ സംസ്ഥാനത്ത് വെള്ളിയാഴ്ച 8867 പേര്‍ക്ക് കോവിഡ് സ്ഥിരീകരിച്ചു. കഴിഞ്ഞ 24 മണിക്കൂറിനിടെ 79,554 സാംപിളുകളാണ് പരിശോധിച്ചത്. കഴിഞ്ഞ ദിവസങ്ങളിലുണ്ടായ 67 മരണമാണ് കോവിഡ് മൂലമാണെന്ന് ഇന്നു സ്ഥിരീകരിച്ചത്. ഇതോടെ ആകെ മരണം 26,734 ആയി. രോഗം സ്ഥിരീകരിച്ച് ചികിത്സയിലായിരുന്ന 9872...
  • സര്‍ക്കാരിന് വേണ്ടി മന്ത്രി കെ. എന്‍. ബാലഗോപാല്‍ പുഷ്പചക്രം സമര്‍പ്പിച്ചു വൈശാഖിന് ജന്മനാടിന്റെ വിട ജമ്മുകാശ്മീരിലെ പൂഞ്ചില്‍ ഭീകരവാദികളുമായുണ്ടായ ഏറ്റുമുട്ടലില്‍ വീരമൃത്യു വരിച്ച ജവാന്‍ ഓടനാവട്ടം കുടവട്ടൂര്‍ സ്വദേശി എച്ച്. വൈശാഖിന് ജന്മനാടിന്റെ വിട. സംസ്ഥാന സര്‍ക്കാരിന് വേണ്ടി ധനകാര്യ വകുപ്പ് മന്ത്രി കെ. എന്‍. ബാലഗോപാല്‍ പുഷ്പചക്രം അര്‍പ്പിച്ചു. ജില്ലാ ഭരണകൂടത്തിന് വേണ്ടി ജില്ലാ കലക്ടര്‍...

കൃഷ്ണന്‍ കുട്ടി ഊര്‍ജ്ജമന്ത്രിയോ വൈദ്യുതിമന്ത്രിയോ വ്യക്തമാക്കണമെന്ന് നിയമസഭയില്‍ ആവശ്യം;

കൃഷ്ണന്‍ കുട്ടി ഊര്‍ജ്ജമന്ത്രിയോ വൈദ്യുതിമന്ത്രിയോ വ്യക്തമാക്കണമെന്ന് നിയമസഭയില്‍ ആവശ്യം;
August 02
16:17 2021

വൈദ്യുതി വകുപ്പുമന്ത്രി ശ്രീ. കെ. കൃഷ്ണന്‍കുട്ടിയുടെ സ്ഥാനപ്പേര് ‘ഊര്‍ജ്ജ വകുപ്പുമന്ത്രി’ എന്നും ‘വൈദ്യുതി വകുപ്പുമന്ത്രി’ എന്നും വ്യത്യസ്ത സന്ദര്‍ഭങ്ങളില്‍ വ്യത്യസ്തങ്ങളായി നിയമസഭാ രേഖകളില്‍ ഉള്‍പ്പടെ പരാമര്‍ശിക്കപ്പെടുന്നു. ഇതില്‍ ഏതാണ് ശരി..? സംശയം മാറ്റിത്തരണമെന്ന ആവശ്യപ്പെട്ട് നിയമസഭയില്‍ ക്രമപ്രശ്‌നം ഉന്നയിച്ചിരിക്കുന്നത് മഞ്ഞളാം കുഴി അലി എം എല്‍ എയാണ്. ശരിയാണ് , പലപ്പോഴും പല രീതിയിലാണ് ഈ പദവി പരാര്‍ശിക്കപ്പെടുന്നത് . ശരിയേത് എന്നറിയേണ്ടതാണ്. പ്രത്യേകിച്ചും തെറ്റായ പദവി പ്രസിദ്ധം ചെയ്യുന്നത് ചട്ടവിരുദ്ധമായതിനാല്‍ അത് തിരുത്താനും ഭാവിയില്‍ ആവര്‍ത്തിക്കാതിരിക്കാനും നിര്‍ദ്ദേശം നല്‍കണമെന്നാണ് മഞ്ഞളാംകുഴി അലി എംഎല്‍ എ ക്രമപ്രശ്‌നത്തിലൂടെ ആവശ്യപ്പെട്ടത്.

സംശയം ന്യായമായതിനാല്‍ സ്പീക്കര്‍ ഇടപെട്ടു പരിഹാരമാക്കിയിട്ടുണ്ട്. എം എല്‍ എ ചൂണ്ടിക്കാണിച്ച പിശകുകള്‍ക്ക് ആധാരമായ രേഖകള്‍ ചെയര്‍ വിശദമായി പരിശോധിക്കുകയുണ്ടായെന്നും മന്ത്രിമാരുടെ ഔദ്യോഗിക പദവി സൂചിപ്പിക്കുന്ന പരാമര്‍ശങ്ങളില്‍ ചില തര്‍ജ്ജമ പിശകുകള്‍ കടന്നു കൂടിയെന്നുമാണ് വിശദമാക്കിയിരിക്കുന്നത്. തെറ്റു കൂടാതെയാണ് നിയമസഭാ രേഖകളില്‍ ഉപയോഗിച്ചു വരുന്നത്. എന്നാല്‍ പുതിയ മന്ത്രിസഭ നിലവില്‍ വന്നതിനെത്തുടര്‍ന്ന് മന്ത്രിമാരുടെ വകുപ്പുകള്‍ നിശ്ചയിച്ചുകൊണ്ട് പൊതുഭരണ വകുപ്പ് പുറപ്പെടുവിച്ച മേയ് 27ാം തീയതിയിലെ സര്‍ക്കുലര്‍ ഇംഗ്ലീഷ് ഭാഷയില്‍ ആയിരുന്നതിനാലാണ് ‘Minister for Electricity’ എന്നത് ‘ഊര്‍ജ്ജ വകുപ്പുമന്ത്രി’ എന്ന് മലയാളത്തില്‍ വിവര്‍ത്തനം ചെയ്ത് പ്രസിദ്ധീകരിക്കാനിടയായത്.

തുടര്‍ന്ന് പൊതുഭരണ വകുപ്പിന്റെ ‘ജൂണ്‍ 24ാം തീയതിയിലെ സര്‍ക്കുലര്‍ പ്രകാരം മലയാളത്തില്‍ ‘വൈദ്യുതി വകുപ്പുമന്ത്രി’ എന്ന് വ്യക്തത വരുത്തിയ സാഹചര്യത്തില്‍ ഇപ്പോള്‍ നിയമസഭാ രേഖകളില്‍ അപ്രകാരം ‘വൈദ്യുതിവകുപ്പുമന്ത്രി’ എന്ന് ശരിയായ രീതിയിലാണ് ഉപയോഗിച്ചു വരുന്നത്. പ്രകടമായ അര്‍ത്ഥവ്യത്യാസം ഇല്ലെങ്കില്‍പ്പോലും ഭാവിയില്‍ ഇത്തരം പിശകുകള്‍ സംഭവിക്കാതിരിക്കുവാന്‍ ബന്ധപ്പെട്ടവര്‍ക്ക് നിര്‍ദ്ദേശം നല്‍കുന്നതാണെന്നും സ്പീക്കര്‍ റൂളിംഗ് നല്‍കി

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment