Asian Metro News

സര്‍ഗ്ഗാത്മകതയുടെ ഒത്തുചേരലായി ‘പ്രതിഭ പിന്തുണ’

 Breaking News
  • ദക്ഷിണേഷ്യയിലെ ഏറ്റവും വലിയ സ്റ്റാർട്ടപ്പ്- ഡിജിറ്റൽ ഹബ് തയ്യാർ! രാജ്യത്തെ സ്റ്റാർട്ടപ്പ് രംഗത്തിന് പുത്തൻ ഊർജ്ജം നൽകാനായി ദക്ഷിണേഷ്യയിലെ ഏറ്റവും വലിയ ഡിജിറ്റൽ ഉത്പന്നവികസന കേന്ദ്രമായ ‘ഡിജിറ്റൽ ഹബ്’ മുഖ്യമന്ത്രി പിണറായി വിജയൻ നാടിന് സമർപ്പിച്ചു. കേരള സ്റ്റാർട്ടപ്പ് മിഷനു കീഴിൽ കളമശ്ശേരിയിലെ ടെക്നോളജി ഇനോവേഷൻ സോണിലുള്ള അത്യാധുനിക സമുച്ചയത്തിൽ പുത്തൻ...
  • പൂജപ്പുര ജയിലില്‍ നിന്ന് തടവുചാടിയ കൊലക്കേസ് പ്രതി കീഴടങ്ങി പൂജപ്പുര സെന്‍ട്രല്‍ ജയിലില്‍ നിന്ന് ചാടിയ തടവുകാരന്‍ കോടതിയില്‍ കീഴടങ്ങി. കൊലക്കേസ് പ്രതി ജാഹിര്‍ ഹുസൈനാണ് കോടതിയില്‍ കീഴടങ്ങിയത്. ഈ മാസം ഏഴിനായിരുന്നു ഇയാള്‍ ജയില്‍ ചാടിയത്. തൂത്തുക്കുടി സ്വദേശിയാണ് ജാഹിര്‍ ഹുസൈന്‍. അലക്കുജോലിക്കായി പുറത്തിറക്കിയപ്പോഴാണ് ജാഹിര്‍ ഹുസൈന്‍ രക്ഷപ്പെട്ടത്. ഇയാള്‍...
  • ഒന്നാം വര്‍ഷ ഹയര്‍ സെക്കന്‍ഡറി പരീക്ഷാ തീയതികള്‍ പ്രഖ്യാപിച്ച്‌ വിദ്യാഭ്യാസ വകുപ്പ് : ഈ മാസം 24ന് ആരംഭിക്കും തിരുവനന്തപുരം : ഒന്നാം വര്‍ഷ ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി പരീക്ഷാ തീയതികള്‍ പ്രഖ്യാപിച്ചു. പരീക്ഷകള്‍ ഈ മാസം 24ന് ആരംഭിക്കും. ഒന്നാം വര്‍ഷ ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി പരീക്ഷാ തീയതികള്‍ പ്രഖ്യാപിച്ചു. ഹയര്‍സെക്കന്‍ഡറി പരീക്ഷകള്‍ ഈ...
  • തദ്ദേശ സ്ഥാപനങ്ങളിൽ പൊതുമരാമത്ത് പ്രവൃത്തി നിരക്കുകളിൽ പത്ത് ശതമാനം വർധനവ്: മന്ത്രി സംസ്ഥാനത്തെ തദ്ദേശ സ്വയംഭരണ സ്ഥാപനങ്ങൾ ടെൻഡർ ചെയ്യുന്ന പൊതുമരാമത്ത് പ്രവൃത്തികൾക്ക് നിലവിലുള്ള നിരക്കിന് പുറമെ പത്ത് ശതമാനം വർധനവ് അനുവദിച്ച് ഉത്തരവിട്ടതായി തദ്ദേശ സ്വയംഭരണ, ഗ്രാമവികസന, എക്സൈസ് വകുപ്പ് മന്ത്രി എം വി ഗോവിന്ദൻ മാസ്റ്റർ പറഞ്ഞു. നേരത്തെ പൊതുമരാമത്ത് വകുപ്പിൽ...
  • കേര ഗ്രാമം പദ്ധതിയില്‍ അപേക്ഷ ക്ഷണിക്കുന്നു ഇടുക്കി: നാളികേര കര്‍ഷകര്‍ക്ക് വിവിധ ആനുകൂല്യങ്ങള്‍ ലഭ്യമാകുന്ന കേര ഗ്രാമം പദ്ധതി വെള്ളിയാമറ്റം ഗ്രാമ പഞ്ചായത്തില്‍ നടപ്പിലാക്കുന്നു. നിലവില്‍ ഉള്ള തെങ്ങുകളുടെ തടം തുറക്കല്‍, ഇടവിള കൃഷി, ജൈവപരിപാലനം, ജലസേചന സൗകര്യമൊരുക്കല്‍, തെങ്ങുകയറ്റ യന്ത്രം ലഭ്യമാക്കല്‍, പുതിയ തോട്ടങ്ങള്‍ തുടങ്ങിയ ആനുകൂല്യങ്ങള്‍ക്ക്...

സര്‍ഗ്ഗാത്മകതയുടെ ഒത്തുചേരലായി ‘പ്രതിഭ പിന്തുണ’

സര്‍ഗ്ഗാത്മകതയുടെ ഒത്തുചേരലായി ‘പ്രതിഭ പിന്തുണ’
July 31
12:11 2021

കൊല്ലം ജില്ലാ പഞ്ചായത്തിന്റെ പ്രതിഭ പിന്തുണ പദ്ധതിയുടെ ഭാഗമായി കലാ-കായിക മേഖലകളില്‍ പ്രതിഭ തെളിയിച്ച പട്ടികജാതി വിഭാഗത്തില്‍പെട്ടവര്‍ക്കുള്ള സാമ്പത്തിക സഹായ വിതരണം ജില്ലാ പഞ്ചായത്തില്‍ നടന്നു. ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ ഉദ്ഘാടനം നിര്‍വഹിച്ചു. പട്ടികജാതി വിഭാഗത്തില്‍പ്പെട്ട കലാ -കായിക മേഖലകളിലെ പ്രതിഭകളുടെ മികവ് പരിഗണിച്ച് സാമൂഹ്യ പിന്തുണയും അംഗീകാരവും സാമ്പത്തിക സഹായവും ലഭ്യമാക്കുന്ന പ്രതിഭ പിന്തുണ പദ്ധതി വിവിധ മേഖലകളിലെ കലാകാരന്മാ ര്‍ക്ക് ഉയര്‍ന്നു വരാനുള്ള പിന്തുണയാണെന്നു ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ പറഞ്ഞു. മറ്റ് തദ്ദേശ സ്ഥാപനങ്ങള്‍ക്ക് മാതൃകയായ അഭിമാന പദ്ധതി സംസ്ഥാനമൊട്ടാകെ നടപ്പിലാക്കാനുള്ള നിര്‍ദ്ദേശം പ്രത്യേക പരിഗണനയോടെ ബജറ്റില്‍ അവതരിപ്പിച്ചിട്ടുണ്ട്. കലാകാരന്മാരെയെല്ലാം ചേര്‍ത്തു നിര്‍ത്തുന്ന നയമാണ് സര്‍ക്കാര്‍ സ്വീകരിക്കുന്നത്. അദ്ദേഹം പറഞ്ഞു.
തിരഞ്ഞെടുക്കപ്പെട്ട 59 പേര്‍ക്കാണ് സാമ്പത്തിക സഹായം നല്‍കിയത്. 50 ലക്ഷം രൂപയാണ് പദ്ധതിവിഹിതം. പട്ടികജാതി വിഭാഗത്തിനുള്ള സമഗ്ര പാക്കേജായാണ് പദ്ധതി. ചെറുകഥ /നോവല്‍ പ്രസിദ്ധീകരണം, നാടന്‍ പാട്ട് സംഘം രൂപീകരണം, ഗാനമേള ട്രൂപ്പ് രൂപീകരിക്കല്‍, ഡോക്യുമെന്ററി തയ്യാറാക്കല്‍, കഥകളി മേഖലയിലെ ഉപരിപഠനം തുടങ്ങി നിരവധി ആവശ്യങ്ങള്‍ക്കാണ് ഈ പദ്ധതിയിലൂടെ സാമ്പത്തിക സഹായം അനുവദിച്ചത്. പട്ടികജാതി ഉദ്യോഗാര്‍ഥികള്‍ക്കുള്ള തൊഴില്‍ദായക മത്സര പരീക്ഷകള്‍ക്കുള്ള പരിശീലനം (നിബോധിത) പദ്ധതി മുഖേന സര്‍ക്കാര്‍ സര്‍വീസില്‍ നിയമനം ലഭിച്ച നാലു പേരെ ചടങ്ങില്‍ ആദരിച്ചു.
അഭ്യസ്തവിദ്യരായ എസ്. സി വിഭാഗത്തില്‍പ്പെട്ടവര്‍ക്ക് തൊഴില്‍ ലഭ്യമാകുന്നത് വരെ മത്സര പരീക്ഷകള്‍ക്കുള്ള പരിശീലനമാണ് നിബോധിത പദ്ധതിയിലൂടെ നല്‍കുന്നത്. സൈനിക/അര്‍ദ്ധ സൈനിക സേനാ വിഭാഗങ്ങളില്‍ തൊഴില്‍ ലഭ്യമാകുന്നതിന് സഹായകമായി പ്രീ റിക്രൂട്ട്‌മെന്റ് ട്രെയിനിംഗ്, പുരുഷന്മാര്‍ക്കും വനിതകള്‍ക്കും സെക്യൂരിറ്റി ഗാര്‍ഡ് പരിശീലനം എന്നിവ പദ്ധതിയിലൂടെ ലഭ്യമാക്കും. ഇന്ത്യന്‍ ആര്‍മി /ബി.എസ്.എഫ് എന്നിവിടങ്ങളില്‍ നിരവധി പേര്‍ക്ക് പദ്ധതി വഴി ലഭിച്ച പരിശീലനത്തിലൂടെ തൊഴില്‍ ലഭ്യമായി.
ജയന്‍ സ്മാരക ഹാളില്‍ നടന്ന ചടങ്ങില്‍ ജില്ലാ പഞ്ചായത്ത് പ്രസിഡന്റ് സാം കെ.ഡാനിയല്‍ അധ്യക്ഷനായി. വൈസ് പ്രസിഡന്റ് അഡ്വ. സുമലാല്‍, വിവിധ സ്റ്റാന്റിംഗ് കമ്മിറ്റികളുടെ അധ്യക്ഷരായ അനില്‍ എസ് കല്ലേലിഭാഗം, ജെ. നജീബത്ത്, ഡോ. പി. കെ. ഗോപന്‍, വസന്താ രമേശ്, സ്റ്റാന്റിംഗ് കമ്മിറ്റി അംഗങ്ങളായ ആര്‍. രശ്മി, എസ്. സോമന്‍, സി. അംബിക കുമാരി, ശ്യാമളയമ്മ, ജില്ലാ പട്ടികജാതി വികസന ഓഫീസര്‍ എസ്. എസ് ബീന, ജില്ലാ പഞ്ചായത്ത് സെക്രട്ടറി കെ. പ്രസാദ്, നിര്‍വ്വഹണ ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment