ദിവസേനയുള്ള കോവിഡ് -19 കേസുകളില് രാജ്യത്ത് വന് കുതിച്ചുചാട്ടം.ചൊവ്വാഴ്ച രേഖപ്പെടുത്തിയ രോഗികളുടെ എണ്ണത്തേക്കാള് 50 ശതമാനം വര്ധനവാണ് ബുധനാഴ്ച രേഖപ്പെടുത്തിയിരിക്കുന്നത്. ദിവസേനയുള്ള കോവിഡ് -19 കേസുകളില് രാജ്യത്ത് വന് കുതിച്ചുചാട്ടം.ചൊവ്വാഴ്ച രേഖപ്പെടുത്തിയ രോഗികളുടെ എണ്ണത്തേക്കാള് 50 ശതമാനം വര്ധനവാണ് ബുധനാഴ്ച രേഖപ്പെടുത്തിയിരിക്കുന്നത്. കഴിഞ്ഞ 24 മണിക്കൂറിനുള്ളില് ഇന്ത്യയില് 43,654 പുതിയ കോവിഡ് -19 കേസുകളും 640 മരണങ്ങളും രജിസ്റ്റര് ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു. ചൊവ്വാഴ്ച രാജ്യത്ത് രേഖപ്പെടുത്തിയ പുതിയ കേസുകള് 29,689 മാത്രമായിരുന്നു.
ഏറ്റവും കൂടുതല് കേസുകള് രജിസ്റ്റര് ചെയ്ത ആദ്യ അഞ്ച് സംസ്ഥാനങ്ങളില് 22,129 കേസുകളും കേരളത്തില് നിന്നാണ്. മഹാരാഷ്ട്രയില് 6,258 കേസുകളും മിസോറാമില് 1,845 കേസുകളും തമിഴ്നാട്ടില് 1,767 കേസുകളും ഒഡീഷയില് 1,629 കേസുകളുമുണ്ട്. പുതിയ കേസുകളില് 77 ശതമാനവും ഈ അഞ്ച് സംസ്ഥാനങ്ങളില് നിന്നാണ് റിപ്പോര്ട്ട് ചെയ്യപ്പെട്ടിട്ടുള്ളത്. കേരളത്തില് മാത്രം 50.69 ശതമാനം പുതിയ അണുബാധകള് റിപ്പോര്ട്ട് ചെയ്തു.