സി.ബി.എസ്.ഇ യുടെയും ഐ.സി.എസ്.ഇ യുടെയും 12-ാം ക്ലാസ് ഫലം വന്നതിനുശേഷമേ പ്രവേശന നടപടികള് തുടങ്ങാവൂ.കോളേജുകളിലെ പുതിയ പ്രവേശനം സപ്തംബര് മുപ്പതോടെ പൂര്ത്തിയാക്കാനും ഒക്ടോബര് ഒന്നിന് ക്ലാസുകള് തുടങ്ങാനും യുജിസി സര്വ്വകലാശാലകള്ക്കും കോളേജുകള്ക്കും നിര്ദ്ദേശം നല്കി. സി.ബി.എസ്.ഇ യുടെയും ഐ.സി.എസ്.ഇ യുടെയും 12-ാം ക്ലാസ് ഫലം വന്നതിനുശേഷമേ പ്രവേശന നടപടികള് തുടങ്ങാവൂ. ജൂലായ് 31-ഓടെ എല്ലാ സംസ്ഥാന ബോര്ഡുകളും സി.ബി.എസ്.ഇയും ഫലം പ്രസിദ്ധീകരിക്കുമെന്നാണ് കരുതുന്നത്. ഏതെങ്കിലും സാഹചര്യത്തില് 12-ാംക്ലാസ് ഫലം വൈകിയാല് പുതിയ അധ്യയനവര്ഷം തുടങ്ങുന്നത് ഒക്ടോബര് 18-ലേക്ക് മാറ്റാമെന്നും യുജിസി നിര്ദ്ദേശിച്ചു.
കോവിഡ് സ്ഥിതികള് വിലയിരുത്തി ക്ലാസുകള് ഓണ്ലൈനായോ ഓഫ്ലൈനായോ രണ്ടുംകൂടിയോ നടത്താം. ഒക്ടോബര് ഒന്നുമുതല് ജൂലായ് 31 വരെ ക്ലാസുകള്, ഇടവേള, പരീക്ഷാനടത്തിപ്പ് എന്നിവ യൂണിവേഴ്സിറ്റികള് മുന്കൂട്ടി ആസൂത്രണം ചെയ്യണം. ഏതെങ്കിലും കാരണവശാല് പ്രവേശനം റദ്ദാക്കിയാലോ ഒരു സ്ഥാപനത്തില് നിന്ന് വേറൊരു സ്ഥാപനത്തിലേക്ക് മാറിയാലോ ഫീസ് മുഴുവനായും തിരികെ നല്കണം. 2020-21 വര്ഷത്തെ സെമസ്റ്റര്/ഫൈനല് പരീക്ഷകള് ഓഗസ്റ്റ് 31-ന് മുമ്പ് പൂര്ത്തിയാക്കണമെന്നും യുജിസി നിര്ദ്ദേശിച്ചു.