സ്ത്രീകള്‍ക്കെതിരേയുള്ള അക്രമങ്ങള്‍ക്കെതിരേ കേരള ഗവര്‍ണര്‍ ഉപവസിക്കുന്നു. കേരള ഗാന്ധി സ്മാരക നിധിയും ഇതര ഗാന്ധിയന്‍ സംഘടനകളും ചേര്‍ന്നാണ് ഉപവാസം സംഘടിപ്പിക്കുന്നത്. സ്ത്രീകള്‍ക്കെതിരേയുള്ള അക്രമങ്ങള്‍ വര്‍ദ്ധിച്ചു വരുന്നതിനെതിരേ കേരള ഗവര്‍ണര്‍ ആരിഫ് മുഹമ്മദ് ഖാന്‍ ഉപവസിക്കുന്നു. കേരള ഗാന്ധി സ്മാരക നിധിയും ഇതര ഗാന്ധിയന്‍ സംഘടനകളും ചേര്‍ന്നാണ് ഉപവാസം സംഘടിപ്പിക്കുന്നത്. കേരളത്തില്‍ പാറശാല മുതല്‍ മഞ്ചേശ്വരം വരെയുള്ള ഗാന്ധിമാര്‍ഗികളും ഈ വിഷയത്തില്‍ താല്പര്യം ഉള്ളവരും ഉപസിക്കാന്‍ ഗവര്‍ണര്‍ ആഹ്വാനം ചെയ്യുന്നു.
ഗവര്‍ണ്ണര്‍മാര്‍ ഇത്തരം പ്രത്യക്ഷ സമരത്തില്‍ പ്രത്യക്ഷപ്പെടാറില്ല. പക്ഷേ, ആരിഫ് മുഹമ്മദ് ഖാന്‍ ഈ ഗാന്ധിയന്‍ സമരത്തില്‍ പങ്കുചേരുന്നതില്‍ സര്‍ക്കാരിന് അതൃപ്തിയാണ് ഉണ്ടാവാനിട. സ്ത്രീപീഢനം വിഷയമെങ്കിലും ഫലത്തില്‍ സര്‍ക്കാരിനെതിരേയുള്ള പ്രതിഷേധമായി ഗവര്‍ണ്ണറുടെ ഈ അപൂര്‍വ്വ നടപടികള്‍ വിലയിരുത്തപ്പെട്ടേക്കാം.
സ്ത്രീകള്‍ക്കെതിരേയുള്ള ഒട്ടേറെ അതിക്രമങ്ങളാണ് അടുത്തിടെ വെളിപ്പെട്ടത്. വ്യാപകമാകുന്ന ഈ അതിക്രമങ്ങള്‍ക്ക് എതിരേ സാമൂഹ്യ ബോധവത്കരണമാണ് ഗവര്‍ണര്‍ ലക്ഷ്യമിടുന്നത്. സ്ത്രീധനത്തിന്റെ പേരില്‍ പീഢനം ഏറ്റുവാങ്ങി മരണം ഏറ്റുവാങ്ങിയ വിസ്മയയുടെ വീട് അടുത്തിടെ ഗവര്‍ണര്‍ സന്ദര്‍ശിച്ചിരുന്നു. വളരെ വികാരനിര്‍ഭരമായാണ് അന്ന് അദ്ദേഹം പ്രതികരിച്ചത്. കേരളത്തിലെ എല്ലാ പെണ്‍കുട്ടികളും തന്റെ മക്കളാണെന്ന് അദ്ദേഹം അന്നു പറഞ്ഞു. സ്ത്രീധനം പോലുള്ള മോശം പ്രവണതകളെ തടയാന്‍ ശക്തമായ നിയമങ്ങളുണ്ടെന്നും സ്ത്രീധന നിരോധനത്തില്‍ ജനങ്ങള്‍ തയ്യാറാകണമെന്നും ഗവര്‍ണ്ണര്‍ പ്രതികരിച്ചിരുന്നു. സ്ത്രീധനം ആവശ്യപ്പെടുന്ന പുരുഷന്മാരുമായി വിവാഹബന്ധം വേണ്ടെന്ന് വെയ്ക്കാന്‍ പെണ്‍കുട്ടികള്‍ തയ്യാറാകണമന്നും ഗവര്‍ണര്‍ അന്നു പറഞ്ഞിരുന്നു. ഈ വിഷയത്തില്‍ ഗവര്‍ണറോട് ഐക്യദാര്‍ഢ്യം പ്രകടിപ്പിക്കുന്നവര്‍ ബുധനാഴ്ച ഉപവാസത്തിനു തയ്യാറാവുന്നത് ഉചിതമായിരിക്കുമെന്ന് സംഘാടകര്‍ പറയുന്നു.
ബുധനാഴ്ച തിരുവനന്തപുരം ഗാന്ധിഭവനില്‍ നടക്കുന്ന ഉപവാസ-പ്രാര്‍ത്ഥന യജ്ഞത്തില്‍ പങ്കെടുക്കുന്നതും വൈകിട്ട് 6 മണിക്ക് ബഹു ഗവര്‍ണര്‍ ഉപവാസം അവസാനിപ്പിക്കുന്നതും ആയിരിക്കും. സ്ത്രീ സുരക്ഷ ലക്ഷ്യ മാക്കികൊണ്ട് സംസ്ഥാനവ്യാപകമായി തുടര്‍ന്നുള്ള ദിവസങ്ങളില്‍ ഗാന്ധിയന്‍ സംഘടനകള്‍ സംയുക്തമായി ജില്ലകള്‍ തോറും നടത്തുന്ന ജനജാഗ്രത പരിപാടികളുടെ ഉത്ഘാടനവും ഗവര്‍ണര്‍ ആരിഫ് മുഹമ്മദ് ഖാന്‍ നിര്‍വഹിക്കുന്നതാണ്.