കോഴിക്കോട്: കോവിഡ് വ്യാപനം കണക്കിലെടുത്ത് പ്രതിഷേധം നടത്തരുതെന്നും വ്യാപാരികളുടെ പ്രശ്നങ്ങള് പരിഹരിക്കുമെന്ന് മന്ത്രി എ.കെ ശശീന്ദ്രന്. വ്യാപാരികളുമായി ചര്ച്ച നടത്താന് ജില്ലാ കലക്ടര്ക്ക് നിര്ദേശം നല്കിയിട്ടുണ്ടെന്നും മന്ത്രി കൂട്ടിച്ചേര്ത്തു.നിയന്ത്രണങ്ങള് ഏര്പ്പെടുത്തിയിട്ടുള്ളത് ജനങ്ങളെ ബുദ്ധിമുട്ടിക്കാനല്ല. ജനജീവിതം പഴയഗതിയിലാക്കാനുള്ള ശ്രമത്തിലാണ് സര്ക്കാര്. അതിനോട് ജനങ്ങള് സഹകരിക്കണം. ഇക്കാര്യത്തില് യാഥാര്ത്ഥ്യബോധത്തോടെയുള്ള സമീപനമാണ് സര്ക്കാര് സ്വീകരിക്കുകയെന്നും അദ്ദേഹം വ്യക്തമാക്കി.
അശാസ്ത്രീയ കോവിഡ് നിയന്ത്രണങ്ങള് പിന്വലിക്കണമെന്നവശ്യപ്പെട്ട് കോഴിക്കോട് വ്യാപാരികള് പ്രതിഷേധവുമായി രംഗത്തെത്തിയിരുന്നു. കിഡ്സണ് കോര്ണറില് പ്രതിഷേധ സമരം നടത്തിയ വ്യാപാരി വ്യവസായി ഏകോപന സമിതി യൂത്ത് വിങ് പ്രവര്ത്തകരെ പൊലീസ് അറസ്റ്റ് ചെയ്തിരുന്നു. കട അടക്കാന് അഞ്ചു മിനിറ്റ് വൈകിയാല് പോലും പൊലീസ് പിഴ ഈടാക്കുകയാണെന്ന് വ്യാപാരികള് ആരോപിച്ചു. വരും ദിവസങ്ങളിലും പ്രതിഷേധം ശക്തമാക്കാനാണ് വ്യാപാരികളുടെ തീരുമാനം