കാറ്റിനായൊരു ദിനം; വിശേഷ ദിവസത്തിന്റെ ചരിത്രവും പ്രാധാന്യവും അറിയാം
കാറ്റ് ദിനം എന്ന് കേട്ടിട്ടുണ്ടോ? എന്നാല്‍ അങ്ങനെയും ഒരു ദിനമുണ്ട്. ജൂണ്‍ 15 നാണ് ആഗോള കാറ്റ് ദിനമായി ആഘോഷിക്കുന്നത്. ഇത് ലോക കാറ്റ് ദിനം എന്നും വേള്‍ഡ് വിന്‍ഡ് ഡേ എന്നും അറിയപ്പെടുന്നുണ്ട്. കാറ്റും കാറ്റിനാല്‍ ഉല്‍പ്പാദിക്കാവുന്ന ഊര്‍ജത്തെ പറ്റിയും ചര്‍ച്ച ചെയ്യാന്‍ ഒരു ദിനമെന്ന രീതിയിലാണ് ലോക കാറ്റ് ദിനം ആചരിക്കുന്നത്.
എല്ലാ വര്‍ഷവും ജൂണ്‍ 15 നാണ് ലോക കാറ്റ് ദിനമായി (World wind day) ആചരിക്കുന്നത്. വിന്‍ഡ് യൂറോപ്പ്, ഗ്ലോബല്‍ വിന്‍ഡ് എനര്‍ജി കൗണ്‍സില്‍ (ജി.ഡബ്ല്യു.ഇ.സി.) എന്നീ സംഘടനകളുടെ നേതൃത്വത്തില്‍ യൂറോപ്പില്‍ 2007 മുതലും ആഗോളതലത്തില്‍ 2009-ലുമാണ് ഈ ദിനമാഘോഷിച്ചുതുടങ്ങുന്നത്. ഊര്‍ജ്ജത്തിന്റെ സുസ്ഥിര രൂപങ്ങളില്‍ ഒന്നാണ് കാറ്റില്‍ നിന്നുള്ള ഊര്‍ജ്ജം അഥവാ വിന്‍ഡ് എനര്‍ജി. കാറ്റു വഴിയുണ്ടാക്കുന്ന ഊര്‍ജത്തിന്റെ പ്രാധാന്യത്തെക്കുറിച്ചും ഏറ്റവും ചെലവുകുറഞ്ഞ ഈ ഊര്‍ജോത്പാദന രീതിയുടെ ഗുണങ്ങളെക്കുറിച്ചുമുള്ള ബോധവത്കരണ പ്രവര്‍ത്തനങ്ങളാണ് പ്രധാനമായും ഈ ദിവസം നടക്കുക. ലോകത്തിലെ മനുഷ്യനിര്‍മിത സാങ്കേതികവിദ്യകള്‍ പരിസ്ഥിതിയെ കൊന്നുകൊണ്ടിരിക്കുകയാണ്.
ഇത്തരത്തിലുള്ള പ്രവര്‍ത്തനങ്ങളുടെ ഫലമായുള്ള ആഗോളതാപനം കാലാവസ്ഥാ വ്യതിയാനത്തിനും കാരണമാകുന്നു. ഇത് നാം വരുത്തിയ നാശത്തിന്റെ അനന്തരഫലമാണ്. അതുകൊണ്ട് തന്നെ, മനുഷ്യര്‍ അവശേഷിപ്പിച്ചിരിക്കുന്ന മിച്ചമുള്ളതില്‍ നിന്ന് നമുക്ക് സംരക്ഷിക്കാന്‍ കഴിയുന്നതെല്ലാം സംരക്ഷിക്കുന്നതിന്, വെള്ളം, കാറ്റ് മുതലായ സുസ്ഥിര ഊര്‍ജ്ജ രൂപങ്ങള്‍ കൂടുതല്‍ ഉപയോഗിക്കേണ്ടിയിരിക്കുന്നു.
ബഹിരാകാശ യാത്ര നടത്താന്‍ ആഗ്രഹമുണ്ടോ? യോഗ്യതകളെക്കുറിച്ചും ചെലവുകളെക്കുറിച്ചും അറിയാം
ഇന്ത്യയില്‍, കാറ്റില്‍ നിന്നും ഏറ്റവും കൂടുതല്‍ വൈദ്യുതി ഉല്പാദിപ്പിക്കുന്ന സംസ്ഥാനം തമിഴ്നാട് ആണ്. കൂടാതെ ആന്ധ്ര, കര്‍ണ്ണാടകം, ഗുജറാത്ത്, കേരളം, മഹാരാഷ്ട്ര എന്നീ സംസ്ഥാനങ്ങളും കാറ്റില്‍ നിന്ന് വൈദ്യുതി ഉല്‍പ്പാദിപ്പിക്കുന്നുണ്ട്. കേരളത്തില്‍ കാറ്റാടിപ്പാടങ്ങള്‍ ഉള്ളത് പാലക്കാട് ജില്ലയിലെ കഞ്ചിക്കോട്, ഇടുക്കി ജില്ലയിലെ രാമക്കല്‍മേട് എന്നീ സ്ഥലങ്ങളിലാണ്. കാറ്റില്‍ നിന്നും ഊര്‍ജ്ജം ഉല്‍പ്പാദിപ്പിക്കുന്നതില്‍ ലോകത്തില്‍ അഞ്ചാം സ്ഥാനത്താണ് ഇന്ത്യ.
There are no comments at the moment, do you want to add one?
Write a comment