നിയമസഭാ തെരഞ്ഞെടുപ്പിന്റെ മറപിടിച്ച് കേരളത്തിലേക്ക് കുഴല്പ്പണം കടത്തിയ കേസിലെ അന്വേഷണം കൊല്ലം ജില്ലയിലേക്കും വ്യാപിപ്പിക്കണമെന്ന ആവശ്യം ശക്തം. സംസ്ഥാനത്ത് ബിജെപി എ ക്ലാസായി പരിഗണിച്ച മണ്ഡലങ്ങളില് ഒന്നായ ചാത്തന്നുരിലെ പണമിടപാട് സംബന്ധിച്ച് അന്വേഷിക്കണമെന്ന് സംസ്ഥാന പൊലീസ് മേധാവിക്കും ദക്ഷിണമേഖലാ ഐജിക്കും കോണ്ഗ്രസ് പരാതി നല്കി. അന്വേഷണം വേണമെന്ന് എല്ഡിഎഫ് ചാത്തന്നൂര് മണ്ഡലം കമ്മിറ്റിയും ആവശ്യപ്പെട്ടു.
ചാത്തന്നൂരിലെ ബിജെപി സ്ഥാനാര്ഥിയുടെ തെരഞ്ഞെടുപ്പു ചെലവിന് രണ്ടരക്കാടി രൂപ
എത്തിയതായാണ് സൂചന. പരവൂരില് അമിത്ഷാ പങ്കെടുത്ത പരിപാടിക്കുമാത്രം
ലക്ഷകണക്കിനു രൂപ എത്തിയതായും ആരോപണം ഉണ്ട്.
കൊടകരയിലെ കുഴല്പ്പണക്കേസില് മുഖ്യപങ്കുളള ധര്മരാജന് അമിത്ഷാ പങ്കെടുത്ത യോഗത്തിന്റെ തലേ ദിവസം ചാത്തന്നൂരിലും എത്തിയതായും സംശയം ഉണ്ട്.