Asian Metro News

കാര്‍ഷിക നിയമത്തില്‍ ഭേദഗതിയുമായി മഹാരാഷ്ട്ര സര്‍ക്കാര്‍; കേന്ദ്ര നിയമത്തെ ചെറുക്കുന്നതിന്റെ ഭാഗമെന്ന് റവന്യൂമന്ത്രി

 Breaking News
  • ഒമൈക്രോൺ ഭീഷണി ; 12 രാജ്യങ്ങളിൽ നിന്ന്​ ഇന്ത്യയിലെത്തുന്നവർക്ക് പരിശോധന കർശനമാക്കി ന്യൂഡൽഹി: ദക്ഷിണാഫ്രിക്കയിൽ ‘ഒമൈക്രോൺ ‘കോവിഡ്​ വകഭേദം കണ്ടെത്തിയ പശ്ചാത്തലത്തിൽ പ്രതിരോധ നടപടികൾ ഊർജിതമാക്കി ഇന്ത്യ. അ​ന്താ​രാ​ഷ്​​ട്ര വി​മാ​ന സ​ർ​വി​സു​ക​ൾ പു​ന​രാ​രം​ഭി​ക്കാ​ൻ  രാജ്യം തയ്യാറെടുക്കുന്നതിനിടെയാണ് പു​തി​യ കോറോണ വൈറസ്​ വകഭേദം റിപ്പോർട്ട്​ ചെയ്​തത്​. വി​സ നി​യ​​ന്ത്ര​ണം ഇ​ള​വു​ചെ​യ്​​ത്​ അ​ന്താ​രാ​ഷ്​​ട്ര യാ​ത്ര​ വീണ്ടും തുടങ്ങിയത്...
  • ​ഒമി​ക്രോ​ൺ വ​ക​ഭേ​ദം: സാഹചര്യം നിരീക്ഷിക്കുകയാണെന്ന് മന്ത്രി വീണാ ജോര്‍ജ് തിരുവനന്തപുരം: കോവിഡിന്റെ ദക്ഷിണാഫ്രിക്കന്‍ വകഭേദത്തെക്കുറിച്ച്‌ ജാഗ്രത പാലിക്കണമെന്ന് ആരോഗ്യമന്ത്രി വീണാ ജോര്‍ജ്.എല്ലാവിമാനത്താവളങ്ങളിലും സുരക്ഷ ശക്തമാക്കും. വിദേശ രാജ്യങ്ങളില്‍ നിന്നെത്തുന്നവര്‍ യാത്രയ്ക്ക് 48 മണിക്കൂര്‍ മുമ്ബ് ആര്‍ടിപിസിആര്‍ ടെസ്റ്റ് നടത്തുന്നുണ്ട്. കേന്ദ്രത്തിന്റെ നിര്‍ദ്ദേശങ്ങളനുസരിച്ചുള്ള നടപടികള്‍ സംസ്ഥാനം സ്വീകരിച്ചിട്ടുണ്ടെന്നും മന്ത്രി പറഞ്ഞു....
  • കൃത്യനിർവഹണത്തിനിടെ മരണമടഞ്ഞ ഉദ്യോഗസ്ഥന്റെ സഹോദരിക്ക് ജോലി പാലക്കാട് ജില്ലയിലെ വേലന്താവളം ചെക്ക്‌പോസ്റ്റിൽ വാഹന പരിശോധനാവേളയിൽ മരണപ്പെട്ട മോട്ടോർ വാഹന വകുപ്പിലെ അസി. മോട്ടോർ വെഹിക്കിൾ ഇൻസ്‌പെക്ടർ അസർ വി യുടെ സഹോദരി വി. ദിൽറൂബയ്ക്ക് വരുമാന പരിധിയിൽ ഇളവ് നൽകി മോട്ടോർ വാഹന വകുപ്പിൽ എൽ.ഡി.സിയായി ആശ്രിതനിയമനം നൽകാൻ...
  • വനിതകള്‍ക്ക് ബിരുദപഠനത്തിന് അവസരമൊരുക്കി കാസര്‍കോട് ജില്ലാ പഞ്ചായത്ത്‌ കാസര്‍കോട് ജില്ലാ പഞ്ചായത്ത് ശ്രീനാരായണഗുരു ഓപ്പണ്‍ യൂണിവേഴ്‌സിറ്റിയുമായി ചേര്‍ന്ന് ജില്ലയിലെ വനിതകള്‍ക്ക് ബിരുദ പഠനത്തിന് അവസരമൊരുക്കുന്നു. 18 നും 50നും ഇടയില്‍ പ്രായമുള്ള പ്ലസ്ടു യോഗ്യതയുള്ള സ്ത്രീകള്‍ക്ക് അപേക്ഷിക്കാം. അഗ്രികള്‍ച്ചര്‍,സോഷ്യല്‍ / കമ്മ്യൂണിറ്റി മൊബിലൈസര്‍, ഹോം കെയര്‍ / മാനേജ്‌മെന്റ്, ഫുഡ്...
  • ഇ-ശ്രം രജിസ്‌ട്രേഷന്‍ കോഡില്‍ മാറ്റം ചുമട്ടുതൊഴിലാളിക്ഷേമ ബോര്‍ഡ് അണ്‍-അറ്റാച്ച്ഡ്, സ്‌കാറ്റേര്‍ഡ് വിഭാഗം ചുമട്ടു തൊഴിലാളികളുടെ ‘ഇ-ശ്രം’ രജിസ്‌ട്രേഷന്‍ നടത്തിവന്ന കോഡില്‍ മാറ്റം വന്നതിനാല്‍ ഇനിയുള്ള ‘ഇ-ശ്രം’ രജിസ്‌ട്രേഷന്‍, ക്രമനം 299 ‘എന്‍സിഒ ഫാമിലി കോഡ് 9333 മിസല്ലേനിയസ്-ഫ്രെയിറ്റ് ഹാന്‍ഡ്‌ലേര്‍സ്-ലോഡര്‍ ആന്‍ഡ് അണ്‍ലോഡര്‍ ‘ എന്ന കോഡില്‍ നടത്തണം....

കാര്‍ഷിക നിയമത്തില്‍ ഭേദഗതിയുമായി മഹാരാഷ്ട്ര സര്‍ക്കാര്‍; കേന്ദ്ര നിയമത്തെ ചെറുക്കുന്നതിന്റെ ഭാഗമെന്ന് റവന്യൂമന്ത്രി

കാര്‍ഷിക നിയമത്തില്‍ ഭേദഗതിയുമായി മഹാരാഷ്ട്ര സര്‍ക്കാര്‍; കേന്ദ്ര നിയമത്തെ ചെറുക്കുന്നതിന്റെ ഭാഗമെന്ന് റവന്യൂമന്ത്രി
June 10
10:22 2021

മുംബൈ: മഹാരാഷ്ട്ര സര്‍ക്കാര്‍ കാര്‍ഷിക നിയമത്തില്‍ ഭേദഗതി കൊണ്ടുവരുമെന്ന് കോണ്‍ഗ്രസ് നേതാവും മഹാരാഷ്ട്ര റവന്യുമന്ത്രിയുമായ ബാലസാഹേബ് തോറാട്ട്. പുതിയ ബില്ല് കര്‍ഷകരുടെ താല്‍പ്പര്യം സംരക്ഷിക്കുന്നതിന്റെ ഭാഗമാണെന്നും അദ്ദേഹം പറഞ്ഞു.

കേന്ദ്ര സര്‍ക്കാര്‍ കൊണ്ടുവന്ന മൂന്ന് കാര്‍ഷിക നിയമങ്ങളും കര്‍ഷകര്‍ക്കും വ്യാപാരികള്‍ക്കും ദോഷകരമാണ്. അതിനെ മറികടക്കുന്നതിനായി നിയമസഭയുടെ മണ്‍സൂണ്‍കാല സമ്മേളനത്തില്‍ ഒരു നിയമം കൊണ്ടുവരും- മന്ത്രി പറഞ്ഞു.

സഹകരണ മന്ത്രി ബാലെസാഹേബ് പാട്ടില്‍, കൃഷി മന്ത്രി ദാദാജി ഭൂസെ, കൃഷി, സഹകരണ സഹമന്ത്രി ഡോ. വിശ്വജിത്ത് കദം എന്നിവരും ശരത് പവാറും പങ്കെടുത്ത ഒരു മണിക്കൂര്‍ യോഗത്തിനുശേഷമായിരുന്നു തോറാട്ട് മാധ്യമപ്രവര്‍ത്തകരെ കണ്ടത്.

”കര്‍ഷകരുടെ ഉന്നമനത്തിനാണെന്ന് വിശദീകരിച്ചുകൊണ്ട് കൊണ്ടുവരുന്ന കേന്ദ്ര സര്‍ക്കാരിന്റെ നിയമം അപകടകരമാണ്. ഒരു പാന്‍ കാര്‍ഡിന്റെ ബലത്തില്‍ ആര്‍ക്കും വ്യാപാരത്തില്‍ ഏര്‍പ്പെടാം. എന്തെങ്കിലും തട്ടിപ്പ് നടന്നാല്‍ ആര്‍ക്കും ഉത്തരവാദിത്തമില്ല. അതുംകൂടി പരിഗമിച്ചാണ് സംസ്ഥാന സര്‍ക്കാര്‍ പുതിയ നിയമം കൊണ്ടുവരുന്നത്. പത്തുവര്‍ഷത്തില്‍ കൂടുതല്‍ അനുഭവപരിചയമുള്ള ശരത് പവാറിന്റെ ഈ മേഖലയിലെ സംഭാവനകള്‍ മികച്ചതാണ്- കൂടിക്കാഴ്ചയുടെ കാരണങ്ങളെക്കുറിച്ച്‌ മന്ത്രി പറഞ്ഞു.

കേന്ദ്ര സര്‍ക്കാര്‍ കൊണ്ടുവന്ന മൂന്ന് കാര്‍ഷിക നിയമങ്ങള്‍ക്കെതിരേയുള്ള അനിശ്ചിതകാല ധര്‍ണ കഴിഞ്ഞ വര്‍ഷം നവംബര്‍ അവസാനത്തോടെയാണ് ഡല്‍ഹിയില്‍ ആരംഭിച്ചത്. സമരം ഇപ്പോഴും തുടരുകയാണ്. ബില്ല് പിന്‍വലിക്കണമെന്നാണ് ആവശ്യം.

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment