Asian Metro News

ജൂണ്‍ 8 ന് ലോക സമുദ്ര ദിനം

 Breaking News
  • റോഡിന്റെ ശോചനീയാവസ്ഥ പരിഹരിക്കണം എന്ന പ്രദേശവാസികളുടെ ആവിശ്യമനുസരിച്ച് യൂത്ത് കോൺഗ്രസ്സ് ഉമ്മന്നൂർ മണ്ഡലം കമ്മിറ്റിയുടെ നേതൃത്വത്തിൽ പ്രതിഷേധം നടത്തി. ഉമ്മന്നൂർ : നെല്ലിക്കുന്നം, ചെപ്ര റോഡിന്റെ ശോചനീയാവസ്ഥ എത്രയും പെട്ടന്ന് പരിഹരിച്ച് സഞ്ചാരയോഗ്യമാക്കണം എന്ന പ്രദേശവാസികളുടെ ആവിശ്യമനുസരിച്ച് യൂത്ത് കോൺഗ്രസ്സ് ഉമ്മന്നൂർ മണ്ഡലം കമ്മിറ്റിയുടെ നേതൃത്വത്തിൽ പ്രതിഷേധം നടത്തി. വളരെയധികം വാഹന തിരക്കേറിയ ഈ റോഡിന്റെ അവസ്ഥ കഴിഞ്ഞ 16 വർഷക്കാലമായി...
  • ഫാമിലി കൗൺസിലർ ഒഴിവ് തിരുവനന്തപുരം : പൂജപ്പുരയിൽ പ്രവർത്തിക്കുന്ന ഗവ: മഹിളാ മന്ദിരത്തിൽ ഒരു മൾട്ടി ലിംഗിസ്റ്റിക് ഫാമിലി കൗൺസിലറുടെ ഒഴിവിലേക്ക് കരാറടിസ്ഥാനത്തിൽ നിയമനത്തിന് അപേക്ഷ ക്ഷണിച്ചു.മലയാളം, ഹിന്ദി, ഇംഗ്ളീഷ് ഭാഷകൾ എഴുതാനും സംസാരിക്കാനും കഴിയുന്ന എം.എസ്.ഡബ്ളിയു, എം.എ സോഷ്യോളജി, എം.എ സൈക്കോളജി എന്നിവയിലേതെങ്കിലും യോഗ്യതയുള്ള...
  • തൊഴിലുറപ്പ് പദ്ധതിയില്‍ എന്‍ജിനീയര്‍ ഒഴിവ് പാലക്കാട്‌: കുഴല്‍മന്ദം ബ്ലോക്ക് പഞ്ചായത്തില്‍ തൊഴിലുറപ്പ് പദ്ധതിയില്‍ അക്രെഡിറ്റഡ് എന്‍ജിനീയറുടെ നിലവിലുള്ള ഒഴിവിലേക്ക് കരാറടിസ്ഥാനത്തില്‍ നിയമനം നടത്തുന്നു. ബിടെക്. അഗ്രി/ സിവില്‍ എഞ്ചിനീയറിംഗ് ബിരുദമുള്ളവര്‍ക്ക് അപേക്ഷിക്കാം. ബിടെക് അഗ്രി. യോഗ്യതയുള്ളവര്‍ക്ക് മുന്‍ഗണന. ഈ മേഖലയില്‍ മൂന്ന് വര്‍ഷത്തെ പ്രവൃത്തി പരിചയം അഭികാമ്യം....
  • അപേക്ഷ ക്ഷണിച്ചു കേരള ഹെൽത്ത് റിസർച്ച് ആൻഡ് വെൽഫെയർ സൊസൈറ്റിയിൽ വിവിധ തസ്തികകളിൽ കരാർ നിയമനത്തിന് അപേക്ഷ ക്ഷണിച്ചു. 23 വരെ അപേക്ഷിക്കാം. അപേക്ഷകൾ നേരിട്ടോ തപാലിലോ നൽകണം. കൂടുതൽ വിവരങ്ങൾക്ക്: www.khrws.kerala.gov.in....
  • തൊഴിലധിഷ്ഠിത കോഴ്‌സുകളിൽ അപേക്ഷ ക്ഷണിച്ചു കെൽട്രോണിന്റെ വഴുതക്കാടുള്ള നോളജ് സെന്ററിൽ ആരംഭിക്കുന്ന തൊഴിലധിഷ്ഠിത കോഴ്‌സുകളിലേക്ക് അപേക്ഷ ക്ഷണിച്ചു. അഡ്വാൻസ്ഡ് ഡിപ്ലോമ ഇൻ ഡിജിറ്റൽ മീഡിയ ഡിസൈനിംഗ് ആന്റ് അനിമേഷൻ ഫിലിംമേക്കിഗിൽ 12 മാസത്തെ കോഴ്‌സിന് എസ്.എസ്.എൽ.സി, പ്ലസ്ടു, ഡിപ്ലോമ, ഡിഗ്രിയുള്ളവർക്ക് അപേക്ഷിക്കാം. വിശദവിവരങ്ങൾക്ക് 9188665545, 0471 2325154....

ജൂണ്‍ 8 ന് ലോക സമുദ്ര ദിനം

ജൂണ്‍ 8 ന് ലോക സമുദ്ര ദിനം
June 08
16:31 2021

ഭൂമിയുടെ 70 ശതമാനവും വ്യാപിച്ച്‌ കിടക്കുന്നത് സമുദ്രങ്ങളാണ്. അതു കൊണ്ടു തന്നെ ഭൂമിയുടെ പ്രധാന ഘടകങ്ങളിലൊന്നായി സമുദ്രങ്ങളെ കണക്കാക്കുന്നു. ഭൂമിയിലെ ആവാസവ്യവസ്ഥ നിലനിര്‍ത്തുന്നതിന് സമുദ്രങ്ങള്‍ക്കുള്ള പങ്ക് ഓര്‍മ്മിപ്പിക്കുന്നതിനാണ് ജൂണ്‍ 8 ന് ലോക സമുദ്ര ദിനമായി ഐക്യരാഷ്ട്ര സഭ ആചരിക്കുന്നത്. മനുഷ്യന്റെ പ്രവൃത്തികള്‍ സമുദ്രത്തിലുണ്ടാക്കുന്ന പ്രതിഫലനങ്ങള്‍ ജനങ്ങളെ അറിയിക്കുക എന്നതാണ് ഈ ദിനാചാരണത്തിലൂടെ ഐക്യരാഷ്ട്ര സഭ പ്രധാനമായും ലക്ഷ്യം വെക്കുന്നത്.

സമുദ്ര സംരക്ഷണത്തിനായി ലോകമെമ്ബാടമുള്ള ജനങ്ങളുടെ മുന്നേറ്റവും സമുദ്രങ്ങളുടെ സുസ്ഥിര പരിപാലനത്തിനായുള്ള അണി ചേരലും ഈ ദിനാചരണം സൃഷ്ടിക്കും എന്നാണ് പ്രതീക്ഷിക്കപ്പെടുന്നത്. കോവിഡ് 19 മഹാമാരി കണക്കിലെടുത്ത് ഇത്തവണയും ഓണ്‍ലൈനായി തന്നെയായിരിക്കും ദിനാചരണം നടത്തുക. സമുദ്രം: ജീവനും ഉപജീവനവും എന്നാണ് ഈ വര്‍ഷത്തെ പ്രമേയം.
സമുദ്രത്തെക്കുറിച്ചു് രസകരവും അതിശയകരവുമായ ഏതാനും ചില കാര്യങ്ങള്‍ ഇതാ

1) ഭൂമിക്ക് ജീവവായു നല്‍കുന്നതില്‍ സമുദ്രങ്ങള്‍ക്കും വലിയ പങ്കുണ്ട്. ഭൂമിയിലെ ഓക്സിജന്റെ 50 ശതമാനവും ഉത്പാദിപ്പിക്കപ്പെടുന്നത് സമുദ്രങ്ങളിലാണ്.

2) 1.34 ക്യൂബിക്ക് ബില്യണ്‍ കിലോമീറ്റര്‍ ജലമാണ് സമുദ്രത്തിലുള്ളത്. ഭൂമിയിലുള്ള മൊത്തം ജലത്തിന്റെ 97 ശതമാനത്തോളം വരുമിത്. ഉപ്പ്, ക്ലോറിന്‍, മഗ്ലീഷ്യം, കാല്‍സ്യം തുടങ്ങിയ ധാതുക്കളും ഇതില്‍ അടങ്ങിയിരിക്കുന്നു.

പ്ലാസ്റ്റിക് കവ‍റുകള്‍ എളുപ്പത്തില്‍ കഴുകി ഉണക്കാന്‍ കിടിലന്‍ ഹാക്ക്, ഇന്റ‍ര്‍നെറ്റില്‍ വൈറലായി ചിത്രങ്ങള്‍

3) സൂര്യന്റെ താപവും മനുഷ്യന്‍ ഉത്പാദപ്പിക്കുന്ന 30 ശതമാനം കാര്‍ബണ്‍ ഡൈ ഓക്സൈഡും സമുദ്രം വലിച്ചെടുക്കുന്നു. സമുദ്രം വലിച്ചെടുക്കുന്ന താപം അന്തരീക്ഷത്തിലേക്ക് കൈമാറുകയും ഇത് ലോകം മുഴുവന്‍ എത്തുകയും ചെയ്യും. ഈ രീതിയാണ് ലോകം എമ്ബാടുമുള്ള കാലാവസ്ഥയെ നിയന്ത്രിക്കുന്നത്. തണുപ്പ് കാലത്ത് ഹീറ്ററായും ചൂടു കാലത്ത് എയര്‍ കണ്ടീഷണറായും സമുദ്രം പ്രവര്‍ത്തിക്കുന്നു.

4) സമുദ്രത്തിന്റെ 80 ശതമാനത്തോളം ഭാഗം രേഖപ്പെടുത്തുകയോ അവിടുത്തെ അവസ്ഥകളെ കുറിച്ച്‌ പഠിക്കുകയോ ചെയ്തിട്ടില്ല. ഭൂമിയിലെ ഇതുവരെ കണ്ടെത്താത്ത അത്ഭുതകരമായ മേഖലകളായിരിക്കാമിത്. ഇവിടങ്ങളില്‍ ഇനിയും കണ്ടെത്താത്ത ജീവജാലങ്ങള്‍ ഉണ്ടെന്നാണ് സമുദ്ര ശാസ്ത്രജ്ഞര്‍ കരുതുന്നത്. ലോകത്തെ ഏറ്റവും പഴക്കം ചെന്ന ജീവ ജാലങ്ങളായ ജെല്ലി ഫിഷ്, ഹോഴ്സ് ഷൂ ഞണ്ടുകള്‍ തുടങ്ങിയവ എല്ലാം സമുദ്രത്തിലാണുള്ളത്.

5) ആഗോള താപനത്തെയോ, കാലാവസ്ഥാ വ്യതിയാനത്തെയോ നേരിടുന്നതിനുള്ള പ്രതിരോധ ശേഷി സമുദ്രങ്ങള്‍ക്ക് വന്നിട്ടില്ല. സമുദ്രത്തിലെ ചൂട് കൂടിയ വര്‍ഷം എന്നാണ് 2020 നെ രേഖപ്പെടുത്തിയിരിക്കുന്നത്. സമുദ്രത്തിന്റെ ചൂട് കൂടുന്നത് നിരവധി പ്രത്യാഘാതങ്ങള്‍ക്കാണ് വഴി വെക്കുന്നത്. കടലിന്റെ നിറം മാറല്‍, പവിഴപ്പുറ്റ് പോലുള്ളവയുടെ നാശം, സമുദ്ര നിരപ്പിന്റെ ഉയര്‍ച്ച, ഇടക്കിടെയുണ്ടാകുന്ന ശക്തമായ ചുഴലിക്കാറ്റുകള്‍ തുടങ്ങിയവ എല്ലാം ഇതിന്റെ പരിണിത ഫലമാണ്. പ്ലാസ്റ്റിക്ക് മലിനീകരണവും കടലിന്റെ ആരോഗ്യത്തെ സാരമായി ബാധിക്കുന്നു.

മനുഷ്യനും മറ്റ് ജീവജാലങ്ങളും ഇന്ന് കാണുന്ന തരത്തിലുള്ള കാലാവസ്ഥ ആസ്വദിക്കുന്നതിന് കാരണം സമുദ്രമാണ് അതുകൊണ്ട് തന്നെ സമുദ്രത്തിന് സംഭവിക്കുന്ന ഓരോ മാറ്റവും ഭൂമിയിലെ ജീവന്റെ നിലനില്‍പ്പ് തന്നെ ഭീഷണിയിലാക്കും.

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment