കൊല്ലം റെയിൽവേ സ്റ്റേഷനിൽ ഇന്ന് ട്രയിനുകളിലും പ്ലാറ്റ്ഫോമുകളിലും പരിശോധന നടത്തുന്നതിനിടയിൽ ബാംഗ്ലൂർ കന്യാകുമാരി ഐലന്റ് എക്സ്പ്രസിൽ നിന്നും അനധികൃതമായി കടത്തികൊണ്ട് വന്ന 60 കുപ്പികളിലായി 37 ലിറ്ററോളം വരുന്ന വിദേശ മദ്യം ആറ്റിങ്ങൽ സ്വദേശിയായ പട്ടാളക്കാരനിൽ നിന്നും പിടികൂടി.
തുടർന്ന് നടത്തിയ പരിശോധനയിൽ കൊല്ലം റെയിൽവേ പ്ലാറ്റ്ഫോം നമ്പർ ഒന്നിൽ ഫൂട്ട് ഓവർ ബ്രിഡ്ജിന് സമീപത്ത് സംശയാസ്പദമായി കാണപ്പെട്ട ആളിൽ നിന്നും 37 കുപ്പികളിലായി 26 ലിറ്ററോളം വരുന്ന വിദേശമദ്യകുപ്പികളും കണ്ടെടുത്തു . ആകെ 64 ലിറ്ററോളം വരുന്ന 97 കുപ്പി അനധികൃത വിദേശ മദ്യം പിടികൂടി.
പ്രതികളെ അബ്കാരി വകുപ്പുകൾ ചുമത്തി കേസ്സുകൾ രജിസ്റ്റർ ചെയ്തു. കോടതിയിൽ ഹാജരാക്കിയ പ്രതികളെ കോടതി റിമാൻഡുചെയ്തു.
കേരളാ റെയിൽവേ പോലീസ് എസ പി ശ്രീ ഗോപകുമാറിന്റെ നിർദ്ദേശപ്രകാരം ഡി വൈ എസ പി മാരായ പ്രശാന്ത് , ജോർജ് ജോസഫ് , സി ഐ ഇഗ്നേഷ്യസ് എന്നിവരുടെനേതൃത്വത്തിൽ കൊല്ലം ആർ പി എസ എസ ഐ രമേഷ് , രവികുമാർ , രതീഷ് ,സതീഷ് ചന്ദ്രൻ, സജിൽ,മുകേഷ് മോഹൻ ,അനീഷ് എന്നിവരാണ് പ്രതികളെ പിടി കൂടിയത് .
