കൊട്ടാരക്കര.; കോവിഡ് കാലത്ത് ഓൺലൈൻ പഠനം വഴിമുട്ടിയ ഉമ്മന്നൂർ സെന്റ് ജോൺസ് വിഎച്ച്എസ്ഇ ലെ പത്താം ക്ലാസ് വിദ്യാർത്ഥിയായ വാളകത്ത് അഖിൽ സാബുവിന് പഠിക്കാൻ പോലീസ് മൊബൈൽനൽകി .ഓൺലൈൻ പഠനത്തിനായി മൊബൈലോ മറ്റ് അടിസ്ഥാന സൗകര്യങ്ങളോ ഇല്ലാതെ അടുത്ത വീടുകളിൽപോകുന്ന വിവരം ബ്ലോക്ക് പഞ്ചായത്ത് അംഗം ബെൻസി ടീച്ചർ കേരള പോലീസ് ഓഫീസേഴ്സ് അസോസിയേഷൻ കൊല്ലം റൂറൽ ജില്ലാ സെക്രട്ടറി കെ ഉണ്ണി കൃഷ്ണപിള്ളയെ അറിയിക്കുകയായിരുന്നു.
കേരള പോലീസ് ഓഫീസേഴ്സ് അസോസിയേഷൻ കൊല്ലം റൂറൽ ജില്ലാ കമ്മിറ്റിയുടെ ആഭിമുഖ്യത്തിൽ എത്തിച്ച മൊബൈൽ ഫോൺ കൊട്ടാരക്കര എസ് എച്ച് ഓ അഭിലാഷ് ഡേവിഡ് വിദ്യാർത്ഥിയുടെ വീട്ടിലെത്തി ബന്ധുക്കൾക്ക് കൈമാറി.കേരള പോലീസ് ഓഫീസേഴ്സ് അസോസിയേഷൻ കൊല്ലം റൂറൽ ജില്ലാ സെക്രട്ടറി ഉണ്ണി കൃഷ്ണപിള്ളയെ കൂടാതെ ജില്ലാ ട്രഷറർ സാജു.ആർ.എൽ, സംഘടനാംഗങ്ങളായ വാസുദേവൻപിള്ള, ബിജു എ.പി, ബിജു പി. വൈ, സനൽ.കെ തുടങ്ങിയവർ പങ്കെടുത്തു.
കേരള പോലീസ് ഓഫീസേഴ്സ് അസോസിയേഷൻ കൊല്ലം ജില്ലാ കമ്മിറ്റിയുടെ ആഭിമുഖ്യത്തിൽ കഴിഞ്ഞ വർഷവും അച്ഛൻകോവിൽ അടക്കമുള്ള ജില്ലയുടെ വിവിധ ഭാഗങ്ങളിൽ ടെലിവിഷനുകൾ ഉൾപ്പെടെയുള്ള പഠന സാമഗ്രികൾ വിതരണം ചെയ്തു.
അഖിലിന്റെ മാതാപിതാക്കൾ ക്യാൻസർ സംബന്ധമായ അസുഖത്തിന് ചികിത്സാ നടത്തിവരുന്ന വരാണ് .