വിഴിഞ്ഞം : രൂക്ഷമായ കാറ്റിലും കടല്ക്ഷോഭത്തിലും വിഴിഞ്ഞത്ത് വള്ളം മറിഞ്ഞ് മത്സ്യത്തൊഴിലാളി മരിച്ചു. പൂന്തുറ സ്റ്റുഡന്റ്സ് യൂണിയന് ലൈബ്രറിക്ക് സമീപം ഡേവിഡ്സണ് എന്നു വിളിക്കുന്ന സ്റ്റെല്ലസാ(52)ണ് മരിച്ചത്. രണ്ടുപേരെ കാണാതായി.
വിഴിഞ്ഞം സ്വദേശി സേവ്യര്, പൂന്തുറ സ്വദേശി ജോസഫ് വര്ഗീസ് എന്നിവരെയാണ് കാണാതായത്. ഇവര്ക്കായി കോസ്റ്റ്ഗാര്ഡിന്റെ നേതൃത്വത്തില് തിരച്ചില് തുടരുന്നു. ഇവര്ക്കൊപ്പം അപകടത്തില്പ്പെട്ട 17 മത്സ്യത്തൊഴിലാളികളില് 14 പേരെ രക്ഷിച്ചു. വിഴിഞ്ഞം ഹാര്ബറിനു സമീപത്തെ അഴിമുഖത്തിനു സമീപമായിരുന്നു അപകടം.