തെന്മല : തെന്മല ഉറുകുന്ന് അണ്ടൂർ പച്ച രാജേഷ് ഭവനിൽ ഗോപാലകൃഷ്ണപിള്ള മകൻ 40 വയസ്സുള്ള വിനീഷിനെ 10 ലിറ്റർ വ്യാജ ചാരായവുമായി തെന്മല പോലീസ് പിടികൂടി. പ്രതി വാടകയ്ക്ക് താമസിച്ചിരുന്ന സനൽ എന്നയാളുടെ ഉടമസ്ഥതയിലുള്ള ഇടമൺ വില്ലേജിൽ പുലരി പന്ത്രണ്ടാം വാർഡിൽ ബാൽ കോ ഫാക്ടറിക്ക് സമീപമുള്ള വാടകവീട്ടിൽ വിൽപ്പനയ്ക്കായി ചാരായം സൂക്ഷിച്ചു വെച്ചിരിക്കുന്നു എന്ന് പോലീസിന് രഹസ്യവിവരം കിട്ടിയതിനെ തുടർന്നായിരുന്നു തെന്മല പോലീസ് പ്രതിയെ അറസ്റ്റ് ചെയ്തത്. പോലീസ് എത്തിയപ്പോൾ ഇയാൾ ചാരായം വില്പനയ്ക്കായി പാക്ക് ചെയ്തു കൊണ്ടിരിക്കുകയായിരുന്നു.
. കോടതിയിൽ ഹാജരാക്കിയ പ്രതിയെ കോടതി റിമാൻഡ് ചെയ്തു