കോവിഡ് രണ്ടാം തരംഗത്തിന്റെ ഭാഗമായി സംസ്ഥാനത്തുടനീളം വീണ്ടും ലോക്ക് ഡൗൺ നിലവിൽ വന്ന സാഹചര്യത്തിൽ എഫ്സിഡിപിക്ക് ഭാഗമായ ഡോൺ ബോസ്കോ യൂത്തിന്റെ നേതൃത്വത്തിൽ ഇരുപത്തിയഞ്ചോളം അംഗങ്ങളെ ഉൾപ്പെടുത്തിക്കൊണ്ട് രൂപീകരിച്ച സംരംഭമാണ് ‘ടീം കോവിഡ്’. വാക്സിൻ രജിസ്ട്രേഷൻ, പിസിആർ ആന്റിജൻ ടെസ്റ്റ് ബുക്കിംങ് സൗകര്യം, ഐസിയു നോൺ ഐസിയു ആംബുലൻസ് സേവനം, അവശ്യ വസ്തുക്കളും മരുന്നുകളും വീട്ടിലെത്തിച്ചു നൽകുക, കോവിഡ് രോഗികൾ, ക്വാറന്റൈനിൽ കഴിയുന്നവർ, കൂടാതെ ബുദ്ധിമുട്ടനുഭവിക്കുന്നവർക്ക് സൗജന്യമായി ഭക്ഷണം, ഫുമിഗേഷൻ എന്നീ സേവനങ്ങളാണ് നിലവിൽ ടീം കോവിഡിന്റെ ഭാഗമായി നൽകി വരുന്നത്.
ലോക്ക് ഡൗൺ ദിനത്തിൽ തുടങ്ങിയ സേവനം ഇതിനോടകം 400 ഇൽ പരം പേർക്ക് വാക്സിൻ രജിസ്ട്രേഷനും, നൂറിൽ പരം ആളുകൾക്ക് ടെലി കൗൺസിലിംങും അതോടൊപ്പം കൊല്ലം തീരദേശത്തെ നിരാലംബംരായ വായോധികർക്ക് ദിവസേന 120 പരം ഉച്ചഭക്ഷണം നൽകുന്ന പദ്ധതിയായ ‘വിശാപ്പിനു വിട’ യിൽ നിന്ന് കൂടുതലായി അൻപത് ഭക്ഷണങ്ങൾ കൂടി അധികം ആവശ്യകാരിലേക്ക് എത്തിക്കുന്നു. കൂടാതെ ഇതിനോടകം നൂറോളം പേർക്ക് അവശ്യവസ്തുക്കൾ, പത്തിൽ പരം കോവിഡ് രോഗികൾക്ക് ആംബുലൻസ് സേവനങ്ങൾ, എഴുപ്പതോളം രോഗികൾക്ക് വൈദ്യസഹായം, കോവിഡ് രോഗികളെ സംസ്കരണം എന്നിവയും ടീം കോവിഡിന്റെ സേവങ്ങളിൽ ഉൾപ്പെടുന്നു. ഇതിനുപുറമെ കോർപ്പറേഷന്റെ കമ്യൂണി കിച്ചണിൽ ദിവസേന ഷിഫ്റ്റ് അടിസ്ഥാനത്തിൽ 5 ഇൽ പരം ആളുകൾ സേവനം ചെയ്യുന്നു.
നിലവിൽ സംസ്ഥാനത്ത് ലോക്ക് ഡൗൺ ഇരുപത്തിമൂന്നാം തീയതി വരെ നീട്ടിയ സാഹചര്യത്തിൽ വരും ദിവസങ്ങളിൽ രക്തവും പ്ലാസ്മയും നൽകുന്ന കാര്യത്തിലേക്ക് കടക്കും ഇതിനായി കാമ്പെയ്ൻ ആരംഭിക്കുകയും നിരവധി സന്നദ്ധപ്രവർത്തകരുടെ സഹായത്തോടെ ആശുപത്രികളുമായി ഇത് സുഗമമാക്കുന്നതിനുള്ള ക്രമീകരണങ്ങളും ഏർപ്പെടുത്തിയിട്ടുണ്ട്. അതോടൊപ്പം മാസ്കുകൾ, സാനിറ്റൈസർ, മറ്റ് ആവശ്യങ്ങൾ എന്നിവ നൽകി കോവിഡ് പ്രതിരോധ പ്രവർത്തനങ്ങളിൽ ഏർപ്പെടുന്ന വിവിധ ഗവൺമെന്റ് സ്ഥാപനങ്ങൾ, മറ്റ് സംഘടനകൾ എന്നിവരെ സഹായിക്കുന്നു. അതോടൊപ്പം നിരവധി ഓൺലൈൻ മത്സരങ്ങളിലൂടെ യുവാക്കളുടെയും കുട്ടികളുടെയും പിരിമുറുക്കം ലഘൂകരിക്കുന്നതിലും ടീം കോവിഡ് സജീവമായി പ്രവർത്തിക്കുന്നു. കൊല്ലം കോർപ്പറേഷൻ പരിധി, തീരദേശമേഖലയിലെ ആളുകൾ എന്നിവർക്ക് കോവിഡ് മഹാമാരിയുമായി ബന്ധപ്പെട്ട സേവനങ്ങൾക്ക് ഈ നമ്പറുകളിൽ വിളിക്കുക 9895754970, 8268000444