Asian Metro News

നിയമവിധേയമല്ലാത്ത മാസ്‌ക്, പള്‍സ് ഓക്‌സിമീറ്റര്‍: മെഡിക്കല്‍ ഷോപ്പുകള്‍ക്കെതിരെ നടപടി

 Breaking News

നിയമവിധേയമല്ലാത്ത മാസ്‌ക്, പള്‍സ് ഓക്‌സിമീറ്റര്‍: മെഡിക്കല്‍ ഷോപ്പുകള്‍ക്കെതിരെ നടപടി

നിയമവിധേയമല്ലാത്ത മാസ്‌ക്, പള്‍സ് ഓക്‌സിമീറ്റര്‍:  മെഡിക്കല്‍ ഷോപ്പുകള്‍ക്കെതിരെ നടപടി
May 18
13:12 2021

കാസര്‍ഗോഡ്: കോവിഡ്-19 വ്യാപനത്തിന്റെ സാഹചര്യത്തില്‍ മാസ്‌ക്, പള്‍സ് ഓക്‌സിമീറ്റര്‍ തുടങ്ങിയ പാക്ക് ചെയ്ത ഉല്‍പ്പന്നങ്ങള്‍ വില്‍പന നടത്തുന്ന മെഡിക്കല്‍ ഷോപ്പുകളില്‍ കാസര്‍കോട് ലീഗല്‍ മെട്രോളജി വകുപ്പ് പരിശോധന നടത്തി.നിയമ വിധേയമല്ലാത്ത പള്‍സ് ഓക്‌സിമീറ്റര്‍, മാസ്‌ക് പാക്കേജുകള്‍ എന്നിവ വില്‍പനയ്ക്ക് പ്രദര്‍ശിപ്പിച്ചതിനും വില്‍പന നടത്തിയതിനുമായി ജില്ലയിലെ ആറ് മെഡിക്കല്‍ ഷോപ്പുകള്‍ക്കെതിരെ കേസ് രജിസ്റ്റര്‍ ചെയ്തു. പാക്കേജ്ഡ് കമ്മോഡിറ്റീസ് ചട്ടങ്ങള്‍ പ്രകാരമുള്ള അവശ്യവിവരങ്ങള്‍ രേഖപ്പെടുത്താത്തതും എം.ആര്‍.പി സ്റ്റിക്കര്‍ ഉപയോഗിച്ച്‌ വില കൂട്ടി രേഖപ്പെടുത്തിയതുമായ പാക്കേജുകള്‍ പിടിച്ചെടുത്ത് നടപടി സ്വീകരിച്ചു. വരും ദിവസങ്ങളിലും പാക്കേജ്ഡ് ഉല്‍പ്പന്നങ്ങളുടെ പരിശോധന തുടരും.പെട്രോള്‍/ഡീസല്‍ ഇന്ധനങ്ങള്‍, റേഷന്‍ സാധനങ്ങള്‍ എന്നിവ അളവിലും തൂക്കത്തിലും കുറച്ച്‌ വില്‍പന നടത്തുന്നുണ്ടോയെന്നും പരിശോധിക്കും. ലീഗല്‍ മെട്രോളജി വകുപ്പുമായി ബന്ധപ്പെട്ട പരാതികള്‍ ഉണ്ടെങ്കില്‍ സുതാര്യം എന്ന മൊബൈല്‍ ആപ്ലിക്കേഷനില്‍ രേഖകള്‍ സഹിതം അപ്‌ലോഡ് ചെയ്യാം.

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment