തിരുവനന്തപുരം: സംസ്ഥാനത്ത് വെന്‍റിലേറ്ററടക്കം സഹായം വേണമെന്ന് ചൂണ്ടിക്കാട്ടി മുഖ്യമന്ത്രി പിണറായി വിജയന്‍ പ്രധാനമന്ത്രിക്ക് കത്തയച്ചു.
കോവിഡ് വ്യാപനം രൂക്ഷമായി തുടരുന്ന സാഹചര്യത്തിലാണ് മുഖ്യമന്ത്രി കേന്ദ്ര സഹായം തേടിയത്. കോവിഡ് രോഗികള്‍ വര്‍ധിച്ചതോടെ സംസ്ഥാനത്ത് വെന്‍റിലേറ്ററുകള്‍ നിറയുകയാണ്. പല ജില്ലകളിലേയും സര്‍ക്കാര്‍ ആശുപത്രികളില്‍ വളരെ കുറച്ച്‌ വെന്‍റിലേറ്ററുകളും ഐസിയു കിടക്കകളും മാത്രമാണ് അവശേഷിക്കുന്നത്.
തിരുവനന്തപുരം മെഡിക്കല്‍ കോളജ് ആശുപത്രിയില്‍ കോവിഡ് ഐസിയു കിടക്കള്‍ നിറഞ്ഞു. നാല് വെന്‍റിലേറ്ററുകള്‍ മാത്രമാണ് ഇവിടെയുള്ളത്. 90 ശതമാനം ഓക്സിജന്‍ കിടക്കളും നിറഞ്ഞു. സ്വകാര്യ മേഖലയിലെ 85 ശതമാനം കോവിഡ് കിടക്കകളും നിറഞ്ഞതായാണ് റിപ്പോര്‍ട്ട്.
