ചടയമംഗലം : ചടയമംഗലം സ്വദേശിനിയായ പെൺകുട്ടിയുടെ ചിത്രം ഉപയോഗിച്ച് അശ്ലീല വോയിസ് ക്ലിപ്പ് എഡിറ്റ് ചെയ്ത് തന്റെ ഇൻസ്റ്റഗ്രാം ഐ.ഡി യിലൂടെ പോസ്റ്റ് ചെയ്ത് അപമാനിച്ച കേസിലെ പ്രതിയെ ചടയമംഗലം പോലീസ് ജില്ലാ സൈബർ സെല്ലിന്റെ സഹായത്തോടെ കർണ്ണാടകയിലെ ഹൊസൂറിൽ നിന്നും അറസ്റ്റ് ചെയ്തു. ശാസ്താംകോട്ട മൈനാഗപ്പള്ളി, കടപ്പ തടത്തിൽ പുത്തൻ വീട്ടിൽ ജോയിക്കുട്ടി മകൻ 22 വയസുള്ള ലിജോജോയിയെ ചടയമംഗലം പോലീസ് അറസ്റ്റ് ചെയ്തു. നേരുത്തേ പ്രതി പോസ്റ്റ് ചെയ്ത വീഡിയോക്കെതിരെ സോഷ്യൽ മീഡിയായിൽ വലിയ പ്രതിഷേധം ഉയർന്നിരുന്നു. പ്രതി ഇൻസ്റ്റഗ്രാമിൽ നിരവധി അക്കൗണ്ടുകൾ ക്രിയേറ്റ് ചെയ്ത് ഉപയോഗിച്ച് ഇത്തരം ആക്ടിവിറ്റിക്കായി ഉപയോഗിച്ച് വരികയായിരുന്നു.
