തിരുവനന്തപുരം: സംസ്ഥാനത്തു ലോക്ക്ഡൗണ് വേണ്ടെന്നു മന്ത്രിസഭയോഗം തീരുമാനിച്ചു. ലോക്ക്ഡൗണ് വേണ്ടെന്ന് സര്വ്വകക്ഷിയോഗം ചേര്ന്നെടുത്ത തീരുമാനമാണ്. അതില് നിന്ന് നിലവില് മാറിചിന്തിക്കേണ്ടതില്ല എന്നാണ് വിലയിരുത്തല്. ടെസ്റ്റ് പോസിറ്റിവിറ്റി നിരക്ക് 15 ശതമാനത്തിന് മുകളിലുള്ള ജില്ലകളില് ലോക്ക്ഡൗണ് ആകാമെന്ന് കേന്ദ്ര ആരോഗ്യ മന്ത്രാലയം നിര്ദേശിച്ചിരുന്നു. ഇതിനു പിന്നാലെയാണ് മന്ത്രിസഭാ യോഗത്തിന്റെ തീരുമാനം. 18 വയസിന് മുകളിലുള്ളവര്ക്ക് നല്കുന്നതിനുള്ള വാക്സിന് വാങ്ങുന്നത് സംബന്ധിച്ചും മന്ത്രിസഭാ യോഗം ചര്ച്ച ചെയ്തു. ഒരു കോടി ഡോസ് വാക്സിന് വാങ്ങാനണ് തീരുമാനം. 70 ലക്ഷം ഡോസ് കോവിഷീല്ഡും 30 ലക്ഷം ഡോസ് കോവാക്സിനും വാങ്ങാനാണ് തീരുമാനം.
