ഏപ്രിൽ 15നാണ് ഇന്ധന വിലയിൽ അവസാനമായി മാറ്റം വരുത്തിയത്. അന്ന് പെട്രോളിന് ലിറ്ററിന് 16 പൈസയും ഡീസലിന് ലിറ്ററിന് 14 പൈസയുമാണ് എണ്ണ കമ്പനികൾ കുറച്ചത്.
ന്യൂഡൽഹി: തുടർച്ചയായ നാലാം ദിനവും പെട്രോൾ, ഡീസൽ വിലയിൽ മാറ്റമില്ല. ഏപ്രിൽ 15നാണ് ഇന്ധന വിലയിൽ അവസാനമായി മാറ്റം വരുത്തിയത്. അന്ന് പെട്രോളിന് ലിറ്ററിന് 16 പൈസയും ഡീസലിന് ലിറ്ററിന് 14 പൈസയുമാണ് എണ്ണ കമ്പനികൾ കുറച്ചത്. രാജ്യതലസ്ഥാനായ ഡൽഹിയിൽ ഒരു ലിറ്റർ പെട്രോളിന് 90.40 രൂപയാണ്. ഡീസലിന് 80.73 രൂപയും.
ഇന്ത്യൻ ഓയിൽ കോർപറേഷന്റെ കണക്ക് അനുസരിച്ച് മുംബൈയിൽ പെട്രോളിന് 96.83 രൂപയും ഡീസലിനും 87.81 രൂപയുമാണ്. കേന്ദ്ര സംസ്ഥാന നികുതികളും ചരക്കുകൂലിയും അനുസരിച്ച് ഇന്ധന വില ഓരോ സംസ്ഥാനത്തും വ്യത്യാസപ്പെട്ടിരിക്കും. പെട്രോളിന്റെ ചില്ലറ വിൽപന വിലയിൽ 60 ശതമാനവും ഡീസലിന്റേ വിലയിൽ 54 ശതമാനവും കേന്ദ്ര സംസ്ഥാന നികുതികളാണ്. ഒരു ലിറ്റർ പെട്രോളിന് 32.90 രൂപയും ഡീസലിന് 31.80 രൂപയുമാണ് കേന്ദ്ര എക്സൈസ് നികുതി.
രാജ്യാന്തര വിപണിയിലെ എണ്ണ വിലയും വിദേശ വിനിമയ നിരക്കും അനുസരിച്ച് ഓരോ ദിവസവും രാവിലെ ആറു മണിക്കാണ് ഇന്ധന വില പുതുക്കുന്നത്. ആഗോള വിപണിയിൽ തിങ്കളാണ് എണ്ണ വില കുറഞ്ഞു. ഇന്ത്യയിലെയും മറ്റ് രാജ്യങ്ങളിലെയും കോവിഡ് ബാധയും തുടർന്ന് സാമ്പത്തിക മേഖലയിലുണ്ടായ തിരിച്ചടികളും ഡിമാൻഡ് കുറഞ്ഞതുമാണ് വില കുറയാൻ കാരണമെന്ന് റോയിട്ടേഴ്സ് റിപ്പോർട്ട് ചെയ്യുന്നു.
ബ്രെന്റ് ക്രൂഡ് 23 സെന്റ് കുറഞ്ഞ് ബാരലിന് 66.54 ഡോളറായി. കഴിഞഅഞ ആഴ്ച ആറു ശതമാനം വർധന രേഖപ്പെടുത്തിയിരുന്നു. യുഎസ് ഓയിൽ 27 സെന്റ് കുറഞ്ഞ് ബാരലിന് 62.96 ഡോളറിലെത്തി. കഴിഞ്ഞ ആഴ്ച 6.4 ശതമാനം വില ഉയർന്നിരുന്നു.
വിവിധ നഗങ്ങളിലെ ഇന്നത്തെ ഇന്ധന വില (പെട്രോൾ, ഡീസൽ വില / ലിറ്ററിന്)
ശ്രീഗംഗാനഗർ – 100.89 / 92.99
അനുപൂർ- 100.79 / 91.18
ന്യൂഡൽഹി 90.40 / 80.73
മുംബൈ- 96.83 / 87.81
കൊൽക്കത്ത- 90.62 / 83.61
ചെന്നൈ- 92.43 / 85.75
ബെംഗളൂരു- 93.43 / 85.60
ഹൈദരാബാദ്- 93.99 / 88.05
പട്ന – 92.74 / 85.97
ജയ്പൂർ- 96.77/ 89.20
ലഖ്നൗ- 88.72 / 81.13
തിരുവനന്തപുരം- 92.28 / 86.75