രാജ്യത്തെ കൊവിഡ് വ്യാപനം രൂക്ഷമാകുന്ന സാഹചര്യത്തിൽ പ്രധാനമന്ത്രി നരേന്ദ്രമോദി നിർണായക യോഗം വിളിച്ചു ചേർത്തു. തിങ്കളാഴ്ച രാവിലെ പതിനൊന്നരയ്ക്കാണ് യോഗം ചേർന്നത്. കൊവിഡ് സാഹചര്യം വിലയിരുത്താനും തുടർ നടപടികൾ ആലോചിക്കാനുമാണ് യോഗം വിളിച്ചത്.
രാജ്യത്ത് കഴിഞ്ഞ 5 ദിവസമായി രണ്ട് ലക്ഷത്തിലധികം കേസുകളാണ് റിപ്പോർട്ട് ചെയ്തത്. ഇന്ന് 2.73 ലക്ഷം പേർക്കാണ് കൊവിഡ് സ്ഥിരീകരിച്ചത്. ഈ സാഹചര്യത്തിലാണ് പ്രധാനമന്ത്രി യോഗം വിളിച്ചത്.