കൊട്ടാരക്കര : കൊട്ടാരക്കര അവണൂരിൽ റോഡ് സൈഡിൽ പാർക്ക് ചെയ്തിരുന്ന വാഹനത്തിൽ സൂക്ഷിച്ചിരുന്ന 91000/- രൂപ ലോറിയുടെ ഡ്രൈവറെ ആക്രമിച്ച് കവർന്നെടുത്ത കേസിലെ പ്രതിയായ ആറ്റിങ്ങൽ, കല്ലംമ്പലം, കല്ലുംതല, തെക്കേതിൽ, പ്രഭാകരൻ മകൻ 31 വയസുള്ള റീബുവിനെ കൊട്ടാരക്കര പോലീസ് അറസ്റ്റ് ചെയ്തു. കർണാടക സ്വദേശിയായ രമേശ് എന്ന ഡ്രൈവറെ ആക്രമിച്ചാണ് കവർച്ച നടത്തിയത്. 02.03.2021 ൽ ആണ് സംഭവം നടന്നത്. ഡ്രൈവറെ ആക്രമിച്ച് പണം കവർന്നതിന് ശേഷം വാഹനം കടത്തുവാൻ ശ്രമിച്ചെങ്കിലും വാഹനം സ്റ്റാർട്ടാവാത്തതിനെ തുടർന്ന് ശ്രമം ഉപേക്ഷിക്കുകയായിരുന്നു. അറസ്റ്റിലായ പ്രതി സമാനമായ നിരവധി കേസുകളിലെ പ്രതിയാണ്.
