Asian Metro News

ഒ രാജഗോപാലിന്റെ പരാമർശം ബിജെപിയെ ഒരു രീതിയിലും പ്രതിരോധത്തിലാക്കിയിട്ടില്ല: കുമ്മനം രാജശേഖരൻ

 Breaking News
  • ഇലക്ട്രിക് തൂണിന്റെ കുറ്റി അപകടാവസ്ഥയിൽ കൊട്ടാരക്കര എസ്പി ആഫീസിന് സമീപം ഇരുമ്പ് ഇലക്ട്രിക് തൂണ് അപകടാവസ്ഥ ഉണ്ടാക്കുന്നു വഴി യാത്രക്കാർ, ബൈക്ക് യാതക്കാർ , വലിയ വാഹനങ്ങൾ ഉൾപ്പെടെ അപകടം ഉണ്ടാകുന്നു. നേരത്തെ തൂൺ വാഹനങ്ങൾ ഇടിച്ചതിനെ തുടർന്ന് വളഞ്ഞ് നിന്നിരുന്നു പിന്നീട് അത് മുറിച്ചിരുന്നു ഈ...
  • തെരുവുവിളക്കുകളില്ല : വാഹനയാത്ര ഭീതിയിൽ കൊട്ടാരക്കര: ദേശിയപാതയിലും എംസി റോഡിലും കൊടുംവളവുകളിലും തെരുവു വിളക്കുകൾ ഇല്ല. റോഡിൻറെ ഇരുവശങ്ങളും നിർമ്മാണം നടക്കുന്ന ഇടങ്ങളിലും ഇതാണ് സ്ഥിതി. വേനൽ മഴ കടുത്തതോടെ അപകട സാധ്യത വർദ്ധിച്ചു.ദേശീയപാത അമ്പലത്തുംകാല മുതൽ നവീകരണം നടന്നുകൊണ്ടിരിക്കുന്നതിൻറെ ഭാഗമായി റോഡ് വശങ്ങൾ കുഴിച്ചിട്ട നിലയിലാണ്...
  • കോവിഡ് ചികിത്സക്കായി വിട്ടുനൽകിയ കെട്ടിടം തിരികെ നൽകിയില്ല . കൊട്ടാരക്കര :കോവിഡ് ചികിത്സക്കായി വിട്ടുനൽകിയ കെട്ടിടം തിരികെ നൽകിയില്ല. തിരികെ ലഭിക്കാൻ നടപടി വേണമെന്നാവശ്യപ്പെട്ട് കളക്ടറെ സമീപിച്ചു. പുലമൺ ബ്രദറൻ ഹാളിൽ കോവിഡ് ആശുപത്രിക്കായി 25 ലക്ഷത്തോളം രൂപ ചെലവഴിച്ചു നവീകരണം നടത്തിയെങ്കിലും 12 ദിവസം മാത്രമാണ് പ്രവർത്തിച്ചത്. 150 രോഗികളെ...
  • കുണ്ടറയിൽ കാണാതായ യൂവാവിൻറെ മൃതദേഹം വീടിനടുത്തുള്ള തോട്ടിൽ ദുരൂഹ സാഹചര്യത്തിൽ കണ്ടെത്തി കുണ്ടറ : കാണാതായ യുവാവിന്റെ മൃതദേഹം വീടിനടുത്തുള്ള തോട്ടിൽ കണ്ടെത്തി . നെടുമ്പന സ്റ്റേഡിയം ജംഗ്ഷനിൽ സുധാ ഭവനിൽ ബാബുക്കുട്ടിയുടെ മകൻ സുരേഷ് (36) മൃതദേഹം കണ്ടെത്തിയത് . ഞായറാഴ്‌ച കൂട്ടുകാരുമൊത്തു പോയ സുരേഷിനെ കാണാതായതിനെ തുടർന്ന് ബന്ധുക്കൾ നൽകിയ പരാതിയുടെ...
  • നിയമിതനായി കേരള ആരോഗ്യ സർവ്വകലാശാല അക്കാദമിക്ക് കൗൺസിൽ മെമ്പർ ആയി ഡോ: ഈപ്പൻ ചെറിയാൻ നിയമിതനായി. ചെങ്ങന്നൂർ ഭദ്രാസനം ആറാട്ടുപുഴ സെന്റ് മേരീസ് ഓർത്തഡോക്സ് പള്ളി ഇടവകാംഗമാണ്. നല്ലോർമല വീട്ടിൽ മുൻ ഫെഡറൽ ബാങ്ക് മനേജർ ഈപ്പൻ ചെറിയാൻന്റെയും കൊട്ടാരക്കര സെന്റ് ഗ്രിഗോറിയോസ്...

ഒ രാജഗോപാലിന്റെ പരാമർശം ബിജെപിയെ ഒരു രീതിയിലും പ്രതിരോധത്തിലാക്കിയിട്ടില്ല: കുമ്മനം രാജശേഖരൻ

ഒ രാജഗോപാലിന്റെ പരാമർശം ബിജെപിയെ ഒരു രീതിയിലും പ്രതിരോധത്തിലാക്കിയിട്ടില്ല: കുമ്മനം രാജശേഖരൻ
April 07
05:44 2021

അഞ്ചുവർഷം നേമം മണ്ഡലത്തിലെ എംഎൽഎ ആയിരുന്നുവെന്നും എന്നാൽ അതിനപ്പുറം മറ്റൊരു ബന്ധവും മണ്ഡലവുമായി തനിക്കില്ലെന്നുമായിരുന്നു രാജഗോപാലിന്റെ പരാമർശം.

തിരുവനന്തപുരം: നേമത്ത് നിന്ന് ഒരു തവണ എംഎൽഎ ആയിരുന്നെന്നല്ലാതെ അവിടവുമായി വേറെ ബന്ധമൊന്നുമില്ലെന്ന ഒ രാജഗോപാലിന്റെ പരാമർശത്തിൽ പ്രതികരണവുമായി കുമ്മനം രാജശേഖരൻ. എംഎൽഎ എന്ന നിലയിൽ കഴിഞ്ഞ അഞ്ചു വർഷം മികച്ച പ്രവർത്തനമാണ് രാജഗോപാൽ മണ്ഡലത്തിൽ നടത്തിയതെന്ന് കുമ്മനം രാജശേഖരൻ പറഞ്ഞു. അതാണ് ഏറ്റവും നല്ല ബന്ധം.

400 കോടിയുടെ വികസന പദ്ധതികൾക്ക് രൂപം നൽകി. ഇതിൽ എതിർ സ്ഥാനാർത്ഥികൾക്ക് പോലും എതിർപ്പില്ലെന്ന് കുമ്മനം രാജശേഖരൻ ന്യൂസ് 18 നോട് പറഞ്ഞു.

നിയമസഭാ തെരഞ്ഞെടുപ്പ് നടക്കുന്ന വേളയിൽ ഒ രാജഗോപാൽ നടത്തിയ പരാമർശം വിവാദമായിരുന്നു. താൻ കഴിഞ്ഞ അഞ്ചുവർഷം നേമം മണ്ഡലത്തിലെ എംഎൽഎ ആയിരുന്നുവെന്നും എന്നാൽ അതിനപ്പുറം മറ്റൊരു ബന്ധവും മണ്ഡലവുമായി തനിക്കില്ലെന്നുമായിരുന്നു രാജഗോപാലിന്റെ പരാമർശം.

ഇതിനെതിരെ വിമർശനവുമായ മറ്റു പാർട്ടികൾ രംഗത്തെത്തി. കഴിഞ്ഞ അഞ്ചു വർഷക്കാലം നേമം മണ്ഡലത്തിൽ ഒന്നും ചെയ്തിട്ടില്ല എന്നതിന്റെ തെളിവാണ് ഒ രാജഗോപാലിന്റെ വാക്കുകൾ എന്നായിരുന്നു വി ശിവൻകുട്ടിയുടെ പരിഹാസം. എന്നാൽ വിവാദത്തെ തള്ളി നേമത്തെ എൻഡിഎ സ്ഥാനാർഥി കുമ്മനം രാജശേഖരൻ രംഗത്തെത്തുകയായിരുന്നു. ഒ രാജഗോപാലിന്റെ പരാമർശം ഒരു രീതിയിലും ബിജെപിയെ പ്രതിരോധത്തിലാക്കിയിട്ടില്ലെന്ന് കുമ്മനം പറഞ്ഞു.

വി ശിവൻകുട്ടിയുടെ കാലത്ത് എന്തു ചെയ്തിട്ടാണ് ഇത്തരത്തിൽ വിമർശിക്കുന്നതതെന്ന് അറിയില്ല. നേമം മണ്ഡലത്തിൽ ബിജെപിയെ തോൽപ്പിക്കുകയാണ് ഇടതു വലതു മുന്നണികളുടെ ലക്ഷ്യം. അതിനായി അവസാന നിമിഷം പരസ്യ കൂട്ടുകെട്ട് തന്നെ ഉണ്ടാക്കിയിട്ടുണ്ട്. എന്നാൽ ഇത് തെരഞ്ഞെടുപ്പിനെ എത്രത്തോളം ബാധിച്ചെന്ന് ഫലം വന്ന ശേഷമേ പറയാനാകുവെന്നും കുമ്മനം വ്യക്തമാക്കി.

നേമം മണ്ഡലത്തിൽ ബിജെപി മൂന്നാം സ്ഥാനത്ത് ആകുമെന്ന് യുഡിഎഫ് സ്ഥാനാർഥി കെ മുരളീധരൻ പറഞ്ഞതിനെയും കുമ്മനം രാജശേഖരൻ പരിഹസിച്ചു. കെ മുരളീധരൻ തെരഞ്ഞെടുപ്പിൽ ദയനീയമായി പരാജയപ്പെടും. മെയ് 2ന് ഫലം വരുമ്പോൾ നേമത്ത് ബിജെപി മികച്ച ഭൂരിപക്ഷത്തിൽ ജയിക്കുമെന്നും കുമ്മനം രാജശേഖരൻ കൂട്ടിച്ചേർത്തു.

കെ മുരളീധരന്റെ വാഹനത്തിന് നേരെ ബിജെപിക്കാർ കല്ലെറിഞ്ഞത് പരാജയ ഭീതി കൊണ്ടാണെന്ന് കെ മുരളിധരൻ പറഞ്ഞല്ലോ എന്ന് ചോദിച്ചപ്പോൾ മുരളീധരൻ അങ്ങിനെ പറഞ്ഞെങ്കിൽ അതിൽ എന്തെങ്കിലും കാര്യം കാണാതിരിക്കില്ല എന്നായിരുന്നു ഒ രാജഗോപാലിന്റെ പ്രതികരണം.

നേമത്ത് ഇന്നലെ രാത്രി നടന്ന ബിജെപി- കോണ്‍ഗ്രസ് സംഘര്‍ഷമുണ്ടായിരുന്നു. ഇതു സംബന്ധിച്ച് പ്രതികരണ ആരാഞ്ഞപ്പോഴാണ് തനിക്ക് യാതൊന്നും അറിയില്ലെന്ന് നേമം എംഎല്‍എയും മുതിര്‍ന്ന ബിജെപി നേതാവുമായ ഒ രാജഗോപാല്‍ പറഞ്ഞത്. കോണ്ഗ്രസ് സ്ഥാനാർത്ഥിയുടെ കാറിന് നേരെ കല്ലേറുണ്ടായ സംഭവം അംഗീകരിക്കാൻ പറ്റാത്തതാണ്. അക്രമങ്ങളെ ഒരിക്കലും അംഗീകരിക്കാനാവില്ല. അതൊന്നും ശരിയായ നടപടിയല്ല. ആരുടെ പേരിലും അങ്ങനെ ചെയ്യാൻ പാടില്ല. അഭിപ്രായ വ്യത്യാസമുണ്ടെങ്കിലും പരസ്പരം ബഹുമാനിക്കണമെന്നും രാജഗോപാൽ പറഞ്ഞു.

About Author

Rinto Reji

Rinto Reji

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment