Asian Metro News

ഗോത്രജീവിതങ്ങള്‍ നേരിട്ടറിഞ്ഞ്; അവര്‍ക്കൊപ്പം ചേര്‍ന്ന് കോളനികളിലൂടെ ടി. സിദ്ദിഖിന്റെ പര്യടനം

 Breaking News
  • ഇലക്ട്രിക് തൂണിന്റെ കുറ്റി അപകടാവസ്ഥയിൽ കൊട്ടാരക്കര എസ്പി ആഫീസിന് സമീപം ഇരുമ്പ് ഇലക്ട്രിക് തൂണ് അപകടാവസ്ഥ ഉണ്ടാക്കുന്നു വഴി യാത്രക്കാർ, ബൈക്ക് യാതക്കാർ , വലിയ വാഹനങ്ങൾ ഉൾപ്പെടെ അപകടം ഉണ്ടാകുന്നു. നേരത്തെ തൂൺ വാഹനങ്ങൾ ഇടിച്ചതിനെ തുടർന്ന് വളഞ്ഞ് നിന്നിരുന്നു പിന്നീട് അത് മുറിച്ചിരുന്നു ഈ...
  • തെരുവുവിളക്കുകളില്ല : വാഹനയാത്ര ഭീതിയിൽ കൊട്ടാരക്കര: ദേശിയപാതയിലും എംസി റോഡിലും കൊടുംവളവുകളിലും തെരുവു വിളക്കുകൾ ഇല്ല. റോഡിൻറെ ഇരുവശങ്ങളും നിർമ്മാണം നടക്കുന്ന ഇടങ്ങളിലും ഇതാണ് സ്ഥിതി. വേനൽ മഴ കടുത്തതോടെ അപകട സാധ്യത വർദ്ധിച്ചു.ദേശീയപാത അമ്പലത്തുംകാല മുതൽ നവീകരണം നടന്നുകൊണ്ടിരിക്കുന്നതിൻറെ ഭാഗമായി റോഡ് വശങ്ങൾ കുഴിച്ചിട്ട നിലയിലാണ്...
  • കോവിഡ് ചികിത്സക്കായി വിട്ടുനൽകിയ കെട്ടിടം തിരികെ നൽകിയില്ല . കൊട്ടാരക്കര :കോവിഡ് ചികിത്സക്കായി വിട്ടുനൽകിയ കെട്ടിടം തിരികെ നൽകിയില്ല. തിരികെ ലഭിക്കാൻ നടപടി വേണമെന്നാവശ്യപ്പെട്ട് കളക്ടറെ സമീപിച്ചു. പുലമൺ ബ്രദറൻ ഹാളിൽ കോവിഡ് ആശുപത്രിക്കായി 25 ലക്ഷത്തോളം രൂപ ചെലവഴിച്ചു നവീകരണം നടത്തിയെങ്കിലും 12 ദിവസം മാത്രമാണ് പ്രവർത്തിച്ചത്. 150 രോഗികളെ...
  • കുണ്ടറയിൽ കാണാതായ യൂവാവിൻറെ മൃതദേഹം വീടിനടുത്തുള്ള തോട്ടിൽ ദുരൂഹ സാഹചര്യത്തിൽ കണ്ടെത്തി കുണ്ടറ : കാണാതായ യുവാവിന്റെ മൃതദേഹം വീടിനടുത്തുള്ള തോട്ടിൽ കണ്ടെത്തി . നെടുമ്പന സ്റ്റേഡിയം ജംഗ്ഷനിൽ സുധാ ഭവനിൽ ബാബുക്കുട്ടിയുടെ മകൻ സുരേഷ് (36) മൃതദേഹം കണ്ടെത്തിയത് . ഞായറാഴ്‌ച കൂട്ടുകാരുമൊത്തു പോയ സുരേഷിനെ കാണാതായതിനെ തുടർന്ന് ബന്ധുക്കൾ നൽകിയ പരാതിയുടെ...
  • നിയമിതനായി കേരള ആരോഗ്യ സർവ്വകലാശാല അക്കാദമിക്ക് കൗൺസിൽ മെമ്പർ ആയി ഡോ: ഈപ്പൻ ചെറിയാൻ നിയമിതനായി. ചെങ്ങന്നൂർ ഭദ്രാസനം ആറാട്ടുപുഴ സെന്റ് മേരീസ് ഓർത്തഡോക്സ് പള്ളി ഇടവകാംഗമാണ്. നല്ലോർമല വീട്ടിൽ മുൻ ഫെഡറൽ ബാങ്ക് മനേജർ ഈപ്പൻ ചെറിയാൻന്റെയും കൊട്ടാരക്കര സെന്റ് ഗ്രിഗോറിയോസ്...

ഗോത്രജീവിതങ്ങള്‍ നേരിട്ടറിഞ്ഞ്; അവര്‍ക്കൊപ്പം ചേര്‍ന്ന് കോളനികളിലൂടെ ടി. സിദ്ദിഖിന്റെ പര്യടനം

ഗോത്രജീവിതങ്ങള്‍ നേരിട്ടറിഞ്ഞ്; അവര്‍ക്കൊപ്പം ചേര്‍ന്ന് കോളനികളിലൂടെ ടി. സിദ്ദിഖിന്റെ പര്യടനം
March 25
05:43 2021


കല്‍പ്പറ്റ: ജില്ലയിലെ ഏറ്റവും വലിയ ജനവിഭാഗമാണെങ്കിലും കാലാകാലങ്ങളില്‍ അവഗണനയുടെ കൂരകളില്‍ തന്നെ കാലം കഴിക്കുന്ന ആദിവാസി വിഭാഗങ്ങളെ കാണാന്‍ കോളനികളിലെത്തി കല്‍പ്പറ്റ നിയോജകമണ്ഡലം യു.ഡി.എഫ് സ്ഥാനാര്‍ത്ഥി ടി. സിദ്ദിഖ്. മണ്ഡലത്തില്‍ പ്രചരണത്തിനെത്തിയ ആദ്യദിവസങ്ങളില്‍ തന്നെ കോളനികളിലെത്തി ആദിവാസികളുടെ ജീവിതം നേരില്‍കണ്ടും അവരുടെ അഭിപ്രായങ്ങള്‍ കേട്ടറിഞ്ഞും സിദ്ദീഖ് അടിസ്ഥാന ജനവിഭാഗത്തിനൊപ്പമാണ് യു.ഡി.എഫ് എന്നത് അടിവരയിടുകയായിരുന്നു. കല്‍പ്പറ്റ നഗരസഭയിലെ മുണ്ടേരി ഇഷ്ടികപ്പൊയില്‍ കോളനിയില്‍ സന്ദര്‍ശനം നടത്തിയ സിദ്ദിഖ് കോട്ടത്തറ പഞ്ചായത്തിലെ വാളല്‍ കോളനിവാസികളുമായും ആശയവിനിമയം നടത്തി. സ്ഥാനാര്‍ത്ഥിയുമായി ഗോത്രസമൂഹം ആഗ്രഹങ്ങളും പ്രതീക്ഷകളും മുന്നോട്ട് വെച്ചു. ഓരോ മഴക്കാലത്തും സ്‌കൂളുകളിലേക്ക് മാറ്റിപ്പാര്‍പ്പിച്ചും, വേനല്‍ക്കാലത്ത് കുടിവെള്ളത്തിനായി കിലോമീറ്ററുകള്‍ താണ്ടിയും ജീവിതദുരിതം പേറി കഴിയുന്ന കോളനിക്കാര്‍ക്ക് മുന്നില്‍ നടപ്പിലാവുന്ന വാഗ്ദാനങ്ങള്‍ നല്‍കിയാണ് സിദ്ദീഖ് മടങ്ങിയത്. ആദിവാസി ഊരുകള്‍ക്ക് പകരം ഫ്ളാറ്റുകള്‍, വെള്ളപ്പൊക്ക ഭീഷണിയുള്ള കോളനികളുടെ പുനരധിവാസം തുടങ്ങിയ വന്‍ പ്രഖ്യാപനങ്ങളുമായി അധികാരത്തിലെത്തിയ ഇടതുഭരണവും സി.പി.എം എം.എല്‍.എയും തങ്ങളെ തിരിഞ്ഞുനോക്കിയില്ലെന്ന് കോളനിക്കാര്‍ പരാതിപ്പെട്ടു. ഓരോ തിരഞ്ഞെടുപ്പ് കാലത്തും വാഗ്ദാനങ്ങളല്ലാതെ മറ്റൊന്നും ലഭിക്കുന്നില്ലെന്നായിരുന്നു അമ്മമാരുള്‍പ്പെടെയുള്ളവരുടെ വിഷമം. എല്ലാ പരാതികളും കേട്ടതിന് ശേഷം, യു.ഡി.എഫ് അധികാരത്തില്‍ വന്നാല്‍ ഉമ്മന്‍ചാണ്ടി സര്‍ക്കാരിന്റെ വികസന നയങ്ങള്‍ തുടരുമെന്ന് സിദ്ദിഖ് ഉറപ്പുനല്‍കി. മുത്തങ്ങ സമരത്തില്‍ പങ്കെടുത്തവര്‍ക്കും വനാതിര്‍ത്തി ഗ്രാമങ്ങളില്‍ നിന്നും പുനരധിവസിപ്പിച്ചവര്‍ക്ക് ഭൂമി നല്‍കിത്തുടങ്ങിയത് യു.ഡി.എഫ് സര്‍ക്കാരിന്റെ കാലത്താണ്. കല്‍പ്പറ്റയില്‍ ജയിച്ചുവന്നാല്‍ പ്രളയത്തിലും കൊടുംവേനലിലും നേരിടുന്ന പതിവ് ദുരിതങ്ങള്‍ക്കും പരിഹാരം കാണുമെന്ന് പറഞ്ഞാണ് സിദ്ദിഖ് മടങ്ങിയത്. കൈനാട്ടി ജനറല്‍ ആശുപത്രിയിലും അദ്ദേഹം ബുധനാഴ്ച സന്ദര്‍ശനം നടത്തി. മേപ്പാടി, കണിയാമ്പറ്റ, കോട്ടത്തറ ഗ്രാമപഞ്ചായത്തുകളിലായിരുന്നു പ്രധാനമായും പര്യടനം നടത്തിയത്. ഇതിനിടയില്‍ മുട്ടില്‍ ഡബ്ല്യു എം ഒ കോളജില്‍ നടന്ന കല്‍പ്പറ്റ മണ്ഡലം സ്ഥാനാര്‍ത്ഥികളുടെ സംവാദപരിപാടിയിലും സിദ്ദിഖ് പങ്കെടുത്തു. പര്യടനപരിപാടികളില്‍ യു.ഡി.എഫ് നേതാക്കളായ ബി സുരേഷ്ബാബു, കെ.പോള്‍, വി.സി.അബൂബക്കര്‍ ഹാജി ഗഫൂര്‍ വെണ്ണിയോട്, സി.സി തങ്കച്ചന്‍, പി.ജെ ടോമി, വി.ആര്‍ ബാലന്‍, പുഷ്പ, സുന്ദരന്‍, ശോഭാ ശ്രീധരന്‍, രാജന്‍മാസ്റ്റര്‍ തുടങ്ങിയവര്‍ അദ്ദേഹത്തെ അനുഗമിച്ചു.

ക്യാപ്ഷന്‍
കല്‍പ്പറ്റ നഗരസഭയിലെ മുണ്ടേരി ഇഷ്ടികപ്പൊയില്‍ കോളനി നിവാസികള്‍ക്കൊപ്പം ടി സിദ്ദിഖ്
കല്‍പ്പറ്റ ജനറല്‍ ആശുപത്രിയിലെത്തിയ ടി സിദ്ദിഖ് വോട്ടഭ്യര്‍ത്ഥിക്കുന്നു

About Author

Rinto Reji

Rinto Reji

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment