Asian Metro News

തമിഴ്‌നാട്ടിലെ തെരഞ്ഞെടുപ്പ് പ്രചാരണത്തിൽനിന്ന് രാഹുലിനെ വിലക്കണം; കമീഷന് ബി.ജെ.പിയുടെ പരാതി

 Breaking News
  • ഇലക്ട്രിക് തൂണിന്റെ കുറ്റി അപകടാവസ്ഥയിൽ കൊട്ടാരക്കര എസ്പി ആഫീസിന് സമീപം ഇരുമ്പ് ഇലക്ട്രിക് തൂണ് അപകടാവസ്ഥ ഉണ്ടാക്കുന്നു വഴി യാത്രക്കാർ, ബൈക്ക് യാതക്കാർ , വലിയ വാഹനങ്ങൾ ഉൾപ്പെടെ അപകടം ഉണ്ടാകുന്നു. നേരത്തെ തൂൺ വാഹനങ്ങൾ ഇടിച്ചതിനെ തുടർന്ന് വളഞ്ഞ് നിന്നിരുന്നു പിന്നീട് അത് മുറിച്ചിരുന്നു ഈ...
  • തെരുവുവിളക്കുകളില്ല : വാഹനയാത്ര ഭീതിയിൽ കൊട്ടാരക്കര: ദേശിയപാതയിലും എംസി റോഡിലും കൊടുംവളവുകളിലും തെരുവു വിളക്കുകൾ ഇല്ല. റോഡിൻറെ ഇരുവശങ്ങളും നിർമ്മാണം നടക്കുന്ന ഇടങ്ങളിലും ഇതാണ് സ്ഥിതി. വേനൽ മഴ കടുത്തതോടെ അപകട സാധ്യത വർദ്ധിച്ചു.ദേശീയപാത അമ്പലത്തുംകാല മുതൽ നവീകരണം നടന്നുകൊണ്ടിരിക്കുന്നതിൻറെ ഭാഗമായി റോഡ് വശങ്ങൾ കുഴിച്ചിട്ട നിലയിലാണ്...
  • കോവിഡ് ചികിത്സക്കായി വിട്ടുനൽകിയ കെട്ടിടം തിരികെ നൽകിയില്ല . കൊട്ടാരക്കര :കോവിഡ് ചികിത്സക്കായി വിട്ടുനൽകിയ കെട്ടിടം തിരികെ നൽകിയില്ല. തിരികെ ലഭിക്കാൻ നടപടി വേണമെന്നാവശ്യപ്പെട്ട് കളക്ടറെ സമീപിച്ചു. പുലമൺ ബ്രദറൻ ഹാളിൽ കോവിഡ് ആശുപത്രിക്കായി 25 ലക്ഷത്തോളം രൂപ ചെലവഴിച്ചു നവീകരണം നടത്തിയെങ്കിലും 12 ദിവസം മാത്രമാണ് പ്രവർത്തിച്ചത്. 150 രോഗികളെ...
  • കുണ്ടറയിൽ കാണാതായ യൂവാവിൻറെ മൃതദേഹം വീടിനടുത്തുള്ള തോട്ടിൽ ദുരൂഹ സാഹചര്യത്തിൽ കണ്ടെത്തി കുണ്ടറ : കാണാതായ യുവാവിന്റെ മൃതദേഹം വീടിനടുത്തുള്ള തോട്ടിൽ കണ്ടെത്തി . നെടുമ്പന സ്റ്റേഡിയം ജംഗ്ഷനിൽ സുധാ ഭവനിൽ ബാബുക്കുട്ടിയുടെ മകൻ സുരേഷ് (36) മൃതദേഹം കണ്ടെത്തിയത് . ഞായറാഴ്‌ച കൂട്ടുകാരുമൊത്തു പോയ സുരേഷിനെ കാണാതായതിനെ തുടർന്ന് ബന്ധുക്കൾ നൽകിയ പരാതിയുടെ...
  • നിയമിതനായി കേരള ആരോഗ്യ സർവ്വകലാശാല അക്കാദമിക്ക് കൗൺസിൽ മെമ്പർ ആയി ഡോ: ഈപ്പൻ ചെറിയാൻ നിയമിതനായി. ചെങ്ങന്നൂർ ഭദ്രാസനം ആറാട്ടുപുഴ സെന്റ് മേരീസ് ഓർത്തഡോക്സ് പള്ളി ഇടവകാംഗമാണ്. നല്ലോർമല വീട്ടിൽ മുൻ ഫെഡറൽ ബാങ്ക് മനേജർ ഈപ്പൻ ചെറിയാൻന്റെയും കൊട്ടാരക്കര സെന്റ് ഗ്രിഗോറിയോസ്...

തമിഴ്‌നാട്ടിലെ തെരഞ്ഞെടുപ്പ് പ്രചാരണത്തിൽനിന്ന് രാഹുലിനെ വിലക്കണം; കമീഷന് ബി.ജെ.പിയുടെ പരാതി

തമിഴ്‌നാട്ടിലെ തെരഞ്ഞെടുപ്പ് പ്രചാരണത്തിൽനിന്ന് രാഹുലിനെ വിലക്കണം; കമീഷന് ബി.ജെ.പിയുടെ പരാതി
March 05
08:56 2021

ചെന്നൈ : തമിഴ്‌നാട്ടിൽ തെരഞ്ഞെടുപ്പ് പ്രചാരണത്തിൽനിന്ന് കോൺഗ്രസ് നേതാവ് രാഹുൽ ഗാന്ധിയെ വിലക്കണമെന്ന ആവശ്യവുമായി ബി.ജെ.പി. മാതൃക പെരുമാറ്റച്ചട്ടം ലംഘിച്ചുവെന്ന ആരോപണമുയർത്തി ബി.ജെ.പി തമിഴ്‌നാട് ഘടകം തെരഞ്ഞെടുപ്പ് കമീഷന് പരാതി നൽകി. ഏപ്രിൽ ആറിന് ഒറ്റഘട്ടമായാണ് തമിഴ്‌നാട്ടിൽ വോട്ടെടുപ്പ്.

കന്യാകുമാരി ജില്ലയിലെ മുളങ്ങുമൂട് സെൻറ് ജോസഫ്‌സ് മെട്രിക് ഹയർ സെക്കൻഡറി സ്‌കൂളിൽ രാഹുൽ ഗാന്ധി നടത്തിയ പ്രസംഗം തെരഞ്ഞെടുപ്പ് പ്രചാരണത്തിന് സമാനമാണെന്നും ഇത് പെരുമാറ്റച്ചട്ടം ലംഘിക്കുന്നതാണെന്നും ചൂണ്ടിക്കാട്ടി ബി.ജെ.പി തമിഴ്‌നാട് തെരഞ്ഞെടുപ്പ് ചുമതലകൾ വഹിക്കുന്ന വി. ബാലചന്ദ്രനാണ് പരാതി നൽകിയത്.

‘രാജ്യത്ത് വളരെയധികം വെറുപ്പ് പടരുന്നു. ഭയവും. അതിനാൽ നാം പോരാടണം. വിഭജനത്തോടും വെറുപ്പിനോടും ഭയത്തോടും പോരാടി വീണ്ടും ഇന്ത്യയെ സന്തോഷിപ്പിക്കുകയും ഐക്യം വളർത്തുകയും പേടിയില്ലാതാക്കുകയും വേണം’ -രാഹുലിൻറെ ഈ പരാമർശത്തിനെതിരെയാണ് ബി.ജെ.പിയുടെ പരാതി.

വിദ്യാഭ്യാസ സ്ഥാപനത്തിൽ രാഹുൽ ഗാന്ധിയുടെ രാഷ്ട്രീയ പ്രചാരണം പെരുമാറ്റച്ചട്ട ലംഘനമാണ്. പ്രസംഗത്തിൽ ഇന്ത്യയിൽ മറ്റൊരു സ്വാതന്ത്ര്യ സമരത്തിന് സമയമായെന്ന പരാമർശം രാജ്യദ്രോഹകുറ്റം ചുമത്തി കേസെടുക്കാവുന്നതാണെന്നും പരാതിയിൽ പറയുന്നു. യുവജനങ്ങളെ മറ്റൊരു സ്വാതന്ത്ര്യസമരത്തിന് പ്രേരിപ്പിച്ചതിന് രാഹുലിനെതിരെ എഫ്.ഐ.ആർ രജിസ്റ്റർ ചെയ്യാൻ പൊലീസിന് നിർദേശം നൽകണമെന്നും ബി.ജെ.പി ആവശ്യപ്പെട്ടു.

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment