Asian Metro News

ഉദുമ സീറ്റിനുവേണ്ടി സി.പി.എമ്മിൽ പോരാട്ടം

 Breaking News
  • ഇലക്ട്രിക് തൂണിന്റെ കുറ്റി അപകടാവസ്ഥയിൽ കൊട്ടാരക്കര എസ്പി ആഫീസിന് സമീപം ഇരുമ്പ് ഇലക്ട്രിക് തൂണ് അപകടാവസ്ഥ ഉണ്ടാക്കുന്നു വഴി യാത്രക്കാർ, ബൈക്ക് യാതക്കാർ , വലിയ വാഹനങ്ങൾ ഉൾപ്പെടെ അപകടം ഉണ്ടാകുന്നു. നേരത്തെ തൂൺ വാഹനങ്ങൾ ഇടിച്ചതിനെ തുടർന്ന് വളഞ്ഞ് നിന്നിരുന്നു പിന്നീട് അത് മുറിച്ചിരുന്നു ഈ...
  • തെരുവുവിളക്കുകളില്ല : വാഹനയാത്ര ഭീതിയിൽ കൊട്ടാരക്കര: ദേശിയപാതയിലും എംസി റോഡിലും കൊടുംവളവുകളിലും തെരുവു വിളക്കുകൾ ഇല്ല. റോഡിൻറെ ഇരുവശങ്ങളും നിർമ്മാണം നടക്കുന്ന ഇടങ്ങളിലും ഇതാണ് സ്ഥിതി. വേനൽ മഴ കടുത്തതോടെ അപകട സാധ്യത വർദ്ധിച്ചു.ദേശീയപാത അമ്പലത്തുംകാല മുതൽ നവീകരണം നടന്നുകൊണ്ടിരിക്കുന്നതിൻറെ ഭാഗമായി റോഡ് വശങ്ങൾ കുഴിച്ചിട്ട നിലയിലാണ്...
  • കോവിഡ് ചികിത്സക്കായി വിട്ടുനൽകിയ കെട്ടിടം തിരികെ നൽകിയില്ല . കൊട്ടാരക്കര :കോവിഡ് ചികിത്സക്കായി വിട്ടുനൽകിയ കെട്ടിടം തിരികെ നൽകിയില്ല. തിരികെ ലഭിക്കാൻ നടപടി വേണമെന്നാവശ്യപ്പെട്ട് കളക്ടറെ സമീപിച്ചു. പുലമൺ ബ്രദറൻ ഹാളിൽ കോവിഡ് ആശുപത്രിക്കായി 25 ലക്ഷത്തോളം രൂപ ചെലവഴിച്ചു നവീകരണം നടത്തിയെങ്കിലും 12 ദിവസം മാത്രമാണ് പ്രവർത്തിച്ചത്. 150 രോഗികളെ...
  • കുണ്ടറയിൽ കാണാതായ യൂവാവിൻറെ മൃതദേഹം വീടിനടുത്തുള്ള തോട്ടിൽ ദുരൂഹ സാഹചര്യത്തിൽ കണ്ടെത്തി കുണ്ടറ : കാണാതായ യുവാവിന്റെ മൃതദേഹം വീടിനടുത്തുള്ള തോട്ടിൽ കണ്ടെത്തി . നെടുമ്പന സ്റ്റേഡിയം ജംഗ്ഷനിൽ സുധാ ഭവനിൽ ബാബുക്കുട്ടിയുടെ മകൻ സുരേഷ് (36) മൃതദേഹം കണ്ടെത്തിയത് . ഞായറാഴ്‌ച കൂട്ടുകാരുമൊത്തു പോയ സുരേഷിനെ കാണാതായതിനെ തുടർന്ന് ബന്ധുക്കൾ നൽകിയ പരാതിയുടെ...
  • നിയമിതനായി കേരള ആരോഗ്യ സർവ്വകലാശാല അക്കാദമിക്ക് കൗൺസിൽ മെമ്പർ ആയി ഡോ: ഈപ്പൻ ചെറിയാൻ നിയമിതനായി. ചെങ്ങന്നൂർ ഭദ്രാസനം ആറാട്ടുപുഴ സെന്റ് മേരീസ് ഓർത്തഡോക്സ് പള്ളി ഇടവകാംഗമാണ്. നല്ലോർമല വീട്ടിൽ മുൻ ഫെഡറൽ ബാങ്ക് മനേജർ ഈപ്പൻ ചെറിയാൻന്റെയും കൊട്ടാരക്കര സെന്റ് ഗ്രിഗോറിയോസ്...

ഉദുമ സീറ്റിനുവേണ്ടി സി.പി.എമ്മിൽ പോരാട്ടം

ഉദുമ സീറ്റിനുവേണ്ടി സി.പി.എമ്മിൽ പോരാട്ടം
February 26
07:05 2021

കാസർകോട് : ജില്ലയിൽ സി.പി.എമ്മിൽ സ്ഥാനാർഥി മാറ്റത്തിനു സാധ്യതയുള്ള ഉദുമ സീറ്റിനു വേണ്ടി ജില്ലയിൽ പാർട്ടിക്കകത്ത് കരുനീക്കം. അഞ്ചു മണ്ഡലങ്ങളിൽ ഇടതുപക്ഷ വിജയം പ്രതീക്ഷിക്കുന്ന മൂന്നിൽ രണ്ടിടത്താണ് സി.പി.എമ്മിനു എം.എൽ.എമാരെ ലഭിക്കുക.

ഇതിൽ തൃക്കരിപ്പൂരിൽ എം. രാജഗോപാലൻ ഒരുതവണ മാത്രമാണ് വിജയിച്ചത്. കാര്യമായ കാരണങ്ങളില്ലാതെ രാജഗോപാലനെ മാറ്റാൻ സാധ്യതയില്ല.

ഉദുമയിൽ കെ. കുഞ്ഞിരാമൻ മാറുമെന്ന് ഏതാണ്ട് ഉറപ്പിച്ചുകഴിഞ്ഞു. പകരം ആര് എന്നതാണ് ചോദ്യം. പാർലമെൻററി രാഷ്ട്രീയത്തിലേക്ക് താൽപര്യമുള്ളയാളാണ് ജില്ല സെക്രട്ടറി എം.വി. ബാലകൃഷ്ണൻ മാസ്റ്റർ. ലോക്‌സഭ തെരഞ്ഞെടുപ്പ് സ്ഥാനാർഥി പട്ടിക തയാറാക്കുന്ന യോഗത്തിൽ കെ.പി. സതീഷ് ചന്ദ്രന്റെ പേര് ഉയർന്നപ്പോൾ ബാലകൃഷ്ണൻ മാസ്റ്ററുടെ പേരും ഒരു വിഭാഗം ജില്ല കമ്മിറ്റിയംഗങ്ങൾ ഉയർത്തിയിരുന്നു.

ബാലകൃഷ്ണൻ മാസ്റ്റർക്ക് ഒപ്പം തന്നെ സാധ്യതയുള്ള പേരാണ് സംസ്ഥാന കമ്മിറ്റിയംഗം സി.എച്ച്. കുഞ്ഞമ്പുവിന്റേത്. നിരവധി തവണ മഞ്ചേശ്വരത്ത് പരീക്ഷിക്കപ്പെട്ട സി.എച്ച് കുഞ്ഞമ്പു ഒരുതവണ ചെർക്കളം വിരുദ്ധ തരംഗത്തിൽ ജയിച്ചുകയറിയിരുന്നു.

ഉദുമ മണ്ഡലത്തിൽ പ്രവർത്തിച്ച് പരിചയമുള്ള സി.എച്ച്. കുഞ്ഞമ്പുവിന് അത് അനുകൂല ഘടകമാണ്. ബാലകൃഷ്ണൻ മാസ്റ്റർ തൃക്കരിപ്പൂർ മണ്ഡലത്തിൽപെട്ട വോട്ടറാണ്. തദ്ദേശ തെരഞ്ഞെടുപ്പിൽ ഉദുമയിൽ എൽ.ഡി.എഫിന്റെ വലിയ മുന്നേറ്റം വോട്ടിൽ പ്രകടമായിരുന്നു. ലോക്‌സഭ തെരഞ്ഞെടുപ്പിൽ ഏറെ പിന്നാക്കം പോയ എൽ.ഡി.എഫ് തദ്ദേശത്തിൽ വലിയ രീതിയിൽ തിരിച്ചുവന്നു.

രണ്ടും നിയമസഭയിൽ പ്രകടമാകണമെന്നില്ല എന്ന് ഇരുമുന്നണികൾക്കും ബോധ്യമുണ്ട്. നിലവിലെ സർക്കാറിനെതിരെയുള്ള വികാരം കൂടി കണക്കിലെടുത്താൽ ഉദുമ പിടിക്കാമെന്നാണ് യു.ഡി.എഫ് കണക്കുകൂട്ടൽ. കോൺഗ്രസിന് എം.എൽ.എമാരില്ലാത്ത ജില്ലയിൽ എം.പിക്കു പുറമെ എം.എൽ.എ സ്ഥാനം കൂടി ലഭിച്ചാൽ ജില്ലയിൽ കോൺഗ്രസിന് വലിയ മേൽവിലാസമുണ്ടാകുമെന്നതിനാൽ കോൺഗ്രസ് കാര്യമായ ഇടപെടൽ ഉദുമയിൽ നടത്തുന്നുണ്ട്.

പേരാട്ടം കനക്കുന്ന നിലയിലേക്കാണ് ഉദുമ നീങ്ങുന്നത്. വനിതകൾ, യുവാക്കൾ എന്നിങ്ങനെയുള്ള ക്വോട്ടകൾ സി.പി.എമ്മിനുണ്ട്. അവസാന ഘട്ടം അത്തരം കാര്യവും പരിഗണിക്കപ്പെട്ടാൽ അപ്രതീക്ഷിത സ്ഥാനാർഥികൾ സി.പി.എമ്മിന്റേതായി എത്തിയേക്കാം.

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment