തിരുവനന്തപുരം: കെ എസ് ആർ ടി സി ടിക്കറ്റ് നിരക്കുകളിൽ ഇളവ് . ഇളവുകൾ ഇന്ന് മുതൽ നിലവിൽ വരും. അന്തർ സംസ്ഥാന വോൾവോ, സ്‌കാനിയ, മൾട്ടി ആക്സിൽ ബസ് ടിക്കറ്റ് നിരക്കിൽ 30 ശതമാനം താൽക്കാലിക ഇളവാണ് പ്രഖ്യാപിച്ചിരിക്കുന്നത്.എസി ജന്റം ലോ ഫ്ളോർ ബസുകളിലും ടിക്കറ്റ് നിരക്കിൽ ഇളവ് ഉണ്ടാകും.
കോവിഡ് കാലത്താണ് ബസിൽ ചാർജ് വർധിപ്പിച്ചത്. ബസിലെ യാത്രക്കാരുടെ എണ്ണത്തിൽ നിയന്ത്രണം ഉണ്ടായിരുന്ന സമയത്ത് എസി ജന്റം ലോ ഫ്ളോർ ബസുകളിൽ ആദ്യ അഞ്ച് കിലോമീറ്ററിന് മിനിമം ചാർജ് 26 രൂപയായിരുന്നു.പിന്നെ വരുന്ന ഓരോ കിലോമീറ്ററിലും 187 പൈസയുമാണ് ഈടാക്കിയത്. ഇത് 125 പൈസയുമായി കുറക്കാനാണ് തീരുമാനം.