പ്രതിഭാ സംഗമവും വിദ്യാഭ്യാസ അവാർഡ് വിതരണവും നടത്തി

കൊട്ടാരക്കര : കേരള പോലീസ് ഓഫീസേഴ്സ് അസോസിയേഷൻ കൊല്ലം റൂറൽ ജില്ലാ കമ്മിറ്റിയുടെ ആഭിമുഖ്യത്തിൽ കഴിഞ്ഞ അധ്യയന വർഷത്തിൽ എസ് എസ് എൽ സി, പ്ലസ് ടു പരീക്ഷകളിൽ ഫുൾ എ പ്ലസ് വാങ്ങി വിജയിച്ചവരെയും,മെഡിക്കൽ -എഞ്ചിനീയറിംഗ് എൻട്രൻസ് പരീക്ഷകളിലും മറ്റ് പ്രൊഫഷണൽ ഡിഗ്രി കോഴ്സുകളിലും മെരിറ്റിൽ അഡ്മിൻ നേടിയ സംഘടനാംഗങ്ങളുടെ കുട്ടികൾക്ക് വിദ്യാഭ്യാസ അവാർഡ് വിതരണം നടത്തി.കൊട്ടാരക്കര വനിതാ സെൽ കോൺഫ്രൻസ് ഹാളിൽ വച്ച് നടന്ന പ്രതിഭാ സംഗമവും,വിദ്യാഭ്യാസ അവാർഡ് വിതരണവും കൊട്ടാരക്കര എംഎൽഎ അഡ്വക്കേറ്റ് പി. അയിഷാപോറ്റി നിർവഹിച്ചു. എസ് എസ് എൽ സി ഫുൾ എ പ്ലസ് നേടിയ 13 കുട്ടികളും പ്ലസ് ടു ഫുൾ എ പ്ലസ് നേടിയ 9 കുട്ടികളും കൂടാതെ പ്രൊഫഷണൽ ഡിഗ്രി കോഴ്സിന് അഡ്മിൻ ലഭിച്ചവർ ഉൾപ്പെടെ ഉള്ളവർ അനുമോദനങ്ങൾ ഏറ്റുവാങ്ങി. തികച്ചും കോവിഡ് പ്രോട്ടോകോൾ അനുസരിച്ചു നടത്തിയ അനുമോദന ചടങ്ങിൽ കൊല്ലം റൂറൽ ജില്ലാ പോലീസ് മേധാവി കെ.ബി രവി ഐ പി എസ് മുഖ്യ അതിഥിയായി പങ്കെടുത്തു.കേരള പോലീസ് ഓഫീസേഴ്സ് അസോസിയേഷൻ സംസ്ഥാന പ്രസിഡന്റ് ഡി.കെ പൃഥ്വിരാജ്,പോലീസ് ഓഫീസേഴ്സ് അസോസിയേഷൻ സംസ്ഥാന നിർവാഹക സമിതി അംഗങ്ങളായ എസ്.സലിം,കെ.സുനി എന്നിവരും, ജില്ലാ ക്രൈംബ്രാഞ്ച് ഡെപ്യൂട്ടി പോലീസ് സൂപ്രണ്ട്
എ.അശോകൻ, ഡി സി ആർ ബി.ഡി വൈ എസ് പി എഫ്. സിനി ഡെന്നിസ്, ജില്ലാ സ്പെഷ്യൽ ബ്രാഞ്ച് ഡിവൈഎസ്പി ബി.വിനോദ്, കൊട്ടാരക്കര പോലീസ് ഇൻസ്പെക്ടർ ജോസഫ് ലിയോൺ, കേരള പോലീസ് അസോസിയേഷൻ കൊല്ലം റൂറൽ ജില്ലാ സെക്രട്ടറി ഗിരീഷ് കുമാർ, പോലീസ് ഓഫീസേഴ്സ് അസോസിയേഷൻ ജോയിൻ സെക്രട്ടറി പി. കൃഷ്ണകുമാർ തുടങ്ങിയവർ പ്രതിഭകളെ അനുമോദിച്ചു സംസാരിച്ചു. കേരള പോലീസ് ഓഫീസേഴ്സ് അസോസിയേഷൻ കൊല്ലം റൂറൽ ജില്ലാ പ്രസിഡണ്ട് എം. രാജേഷിന്റെ അധ്യക്ഷതയിൽ ചേർന്ന പ്രതിഭാ സംഗമത്തിൽ ജില്ലാ സെക്രട്ടറി കെ. ഉണ്ണികൃഷ്ണപിള്ള സ്വാഗതവും ജില്ലാ ട്രഷറർ സാജു.ആർ.എൽ നന്ദിയും പറഞ്ഞു
There are no comments at the moment, do you want to add one?
Write a comment