തിരുവനന്തപുരം : അഞ്ചുവര്ഷത്തേക്ക് നിയമനനിരോധനം ഏര്പ്പെടുത്താന് ഒരുങ്ങി കെ.എസ്.ആര്.ടി.സി. നിലവില് 7090 ജീവനക്കാര് അധികമുള്ളതിനാലാണ് നിയമനനിരോധനം. 8,114 ജീവനക്കാരുള്ളിടത്ത് 21,024 പേര് മതിയാകും. ജീവനക്കാരും ബസും തമ്മിലുള്ള അനുപാതം ക്രമീകരിക്കാന് പുതിയ നിയമനങ്ങള് നിര്ത്തിവെക്കും.
മെക്കാനിക്ക് (2483), ഡ്രൈവര് (2435) കണ്ടക്ടര് (1826) തസ്തികകളാണ് കുറയുന്നത്.കെ.എസ്.ആര്.ടി.സിയുടെ നിലവിലുള്ള 4791 ഷെഡ്യൂളുകള് 4129 ആയി കുറയും. ഇതനുസരിച്ചാണ് കെ.എസ്.ആര്.ടി.സിയില് ജീവനക്കാരുടെ എണ്ണം കുറച്ചിട്ടുള്ളത്.
നിലവിലുള്ള മുഴുവന് ജീവനക്കാരെയും ഉള്ക്കൊണ്ടുകൊണ്ട് മുന്നോട്ടു പോകാന് കഴിയില്ലെന്ന് സര്ക്കാരിന് കൈമാറിയ റിപ്പോര്ട്ടില് പറയുന്നു. നിര്ബന്ധിത വിരമിക്കലും പരിഗണിക്കുന്നുണ്ട്. അതിനായി 200 കോടി രൂപ സര്ക്കാരില്നിന്ന് സഹായധനം തേടി.
വര്ക്ക്ഷോപ്പുകളില് അധികമുള്ള ജീവനക്കാരെ സിഫ്റ്റിന്റെ ബസുകള് അറ്റകുറ്റപ്പണി നടത്തുന്നതിനുവേണ്ടി നിയോഗിക്കും. ഇതിന് സിഫ്റ്റില്നിന്ന് വാടക ഈടാക്കും. ശാരീരിക അവശതകളുള്ള മെക്കാനിക്കല് ജീവനക്കാരെ ഓഫീസ് ജോലികളിലേക്ക് മാറ്റും.