ന്യൂഡല്ഹി: ചൈനീസ് എംബസിയില് നിന്ന് ഇന്ത്യന് ഉദ്യോഗസ്ഥരോട് ഒഴിഞ്ഞു പോകാന് ആവശ്യപ്പെട്ട് ചൈനയുടെ നീക്കം. എത്ര പേരെ പിന്വലിച്ചുവെന്നോ, എന്തിനാണ് ഈ നീക്കമെന്നോ വ്യക്തമായിട്ടില്ല. ഇന്ത്യ ടുഡേയാണ് വാര്ത്ത റിപ്പോര്ട്ട് ചെയ്തത്. ജോലിയുടെ ഭാഗമായി നടക്കുന്ന സാധാരണ നടപടിക്രമം മാത്രമാണ് ഇതെന്ന് ചൈനീസ് എംബസി വൃത്തങ്ങള് പറയുന്നു.
ഇന്ത്യന് ജീവനക്കാരുമായി മികച്ച ബന്ധമാണ് സൂക്ഷിക്കുന്നത് എന്നും എംബസി വ്യക്തമാക്കി. ഇന്ത്യ-ചൈന അതിര്ത്തി സംഘര്ഷവുമായി ബന്ധപ്പെട്ട ചര്ച്ചകളില് അര്ത്ഥപൂര്ണമായ ഒരു പരിഹാരവും ഉണ്ടായിട്ടില്ലെന്ന മന്ത്രി രാജ്നാഥ് സിങ്ങിന്റെ പ്രസ്താവനയ്ക്ക് ശേഷമാണ് ചൈനയുടെ നീക്കം. ചര്ച്ചകള് ഫലപ്രദമാകാത്ത സാഹചര്യത്തില് അതിര്ത്തിയിലെ സൈനിക വിന്യാസം കുറയ്ക്കാന് കഴിയില്ലെന്നും മന്ത്രി അറിയിച്ചിരുന്നു.