കാബൂളില്‍ കഴിഞ്ഞ ദിവസം നടന്ന ബോംബാക്രമണത്തിലും വെടിവയ്പ്പിലും ഡെപ്യൂട്ടി പ്രൊവിന്‍ഷ്യല്‍ ഗവര്‍ണര്‍ മഹ്ബൊബുല്ല മൊഹിബി ഉള്‍പ്പടെ മൂന്ന് പേര്‍ കൊല്ലപ്പെട്ടു. കാബൂളിലെ മാക്രോറിയന്‍ പരിസരത്താണ് ബോംബാക്രമണം നടന്നത്. ഡെപ്യൂട്ടി പ്രൊവിന്‍ഷ്യല്‍ ഗവര്‍ണറുടെ വാഹനവ്യൂഹത്തില്‍ ഘടിപ്പിച്ചിരുന്ന സ്റ്റിക്കി ബോംബാണ് പൊട്ടിത്തെറിച്ചത്.
ഇതില്‍ രണ്ട് പേര്‍ കൊല്ലപ്പെടുകയും അദ്ദേഹത്തിന്റെ ഗാര്‍ഡുകളായ രണ്ട് പേര്‍ക്ക് പരിക്കേല്‍ക്കുകയും ചെയ്തതായി അഫ്ഗാന്‍ അഭ്യന്തര മന്ത്രാലയ വക്താവ് താരിഖ് ഏരിഖ് അറിയിച്ചു. ആക്രമണത്തില്‍ ഇതുവരെ ആരും തന്നെ ഉത്തരവാദിത്തം ഏറ്റെടുത്തിട്ടില്ല.